Imruj Suriyə barədə, Astanə iclos bino bəbe.
Imruj, Ğəzaxıstoni paytəxt, Astanədə, Suriyə barədə beynəlxalğə 19 minnə iclos bino bəbe.
Amerkə və Ğərbi hərbi veyə mıdoxiləon iyən sanksiyaon bə Suriyədə insoni vəziyət mənfiyə təsirış noe. Suriyə barədə Astanə iclosədə, Rusiyə prezidenti məxsusə nımoyəndə, Əleksander Laverntif, votışe: Suriyəku Amerkə hərbiçion xarıc bey bə ım kişvərədə vəziyəti stabiləti komək bəkarde.
Bə Mehr aqentiyəti raporti əsos, Astanə iclosədə muzakirəkəyon ım kişvərədə iğtisodi-ictimai krediton icod bey iyən Suriyə vey rə obod kardeyro moli təmin kardey barədə ıştə nəzəon bəyonışon kardə.
Suriyə Konstitusiya komitə icloson bərpo bey vəomey vırə, ım iclosi co qılə mıvzoon be. holi hazırədə Suriyə Konstitusiya kamissiya icloson, ki çımiku bənav Cenevrədə bərpo bıə be, bə İsveç bə anti Rusiyə və Anti Suriyə sanksiyaon dəçokney xoto, bə təxir eğandəy.
Ğəzaxıstoni xarıci koon vəzarətxonə qıləy bəyoniyədə elanış karde: Astanə ımrujnə iclosədə muxtəlifə kişvəronku əcumlə Suriyə, Rusiyə və İroniku çand qılə heyət Suriyə barədə iştirokışon heste.
Qıləy holədə, ımruj Ğəzaxıstoni 2 rujə iclos, Suriyə barədə bino bəbe ki 2 ruj çımiku bənav ım kişvəri prezidenti vey rə səçın bərpo bıə və ım səçınədə Ğasım Jomart Tokayef səbarz bıə.
Dəvardə İyunə manqi 15 və 16 minnə rujonədə, Ğəzaxıston, Suriyə barədə beynəlxalğə 12 minnə iclosi mizbon be. Astanə nakonə iclosədə iştirokəkəyon uzv, ıştə oxonə bəyoniyədə, bə de terrorizm mubarizə bardey dəvomi zərrurət və separətçion fəaliyəton məhkum kardey təkidışon kardə.
