Suriyədə bə Amerkə ğeyri ğanuni baza həmləon Vaşinqtoni tərəfo təsdiğ bıə
Asiya Ğərbədə bıə Amerkə hərbion mərkəzi komandəti(Səntkam) bə Suriyə şimol şərğədə Əlşədadi nomo bıə ğeyri ğanuniyə baza rəketiyə həmləon təsdiğış kardə.
Xəbəiyə mənbəon xəbəşon doə ki Suriyə şimol şərğ Əlhəsəkə ostan Əəşədadi şəhrədə, de rəketi vositə, bə Əlşədadi nomo bıə hərbi baza həmlə bıə.
Bə İrna raporti əsos, Asiya Ğərbədə bıə Amerkə hərbion mərkəzi komandəti(Səntkam) Tvitterədə ıştə şəxsiyə səhifədə nıvışt ki ım həmlə de 2 qılə mina vositə əncom bıə.
Asiya Ğərbədə bıə Amerkə hərbion mərkəzi komandəti(Səntkam) ijən iddioş kardə: ım həmləon bois bıə ki ğeyri hərbion iyən anti DAEŞ-i koalisiya hərbiçion təhdid bıbun və məntəğə iyən Suriyədə əmniyyət və stabiləti zəif bıbu.
Həminə həmlə dumoədə, Əlməyadin çı Aqah mənbəonku nəğlış kardə: Əlhəsəkə cənub Əlşədadi şəhrədə və de Amerkə rəhbəriyəti vositə, bə DAEŞ-i ələyh koalisiya vabəstə bıə baza ətrofədə, çand qılə zumandə tepemoni sədo məsə bıə.
Məhəlli mənbəon həm bə ım şəbəkə votışone: Əlşədadi Əlcəbəsə kəon ətrofədə və ım xəbəiyə mərkəzi ətrofədə, 4 qılə rəket suğutış kardə.
Mehr manqi 17 minnə rujədə, iyən Şəhrivərə manqi 27 minnə rujədə həm, bə ım hərbi baza de şiddəti və de rəketi vositə həmləon bıə be.
Votey bıdə ki Deyrulzur ostani şərğədə Ələmər nati çoləon ətrofi Amerkə vey yolə bazaon ğərorış qətə.
Ələmər nati baxş, Suriyə vey yolə nati baxş bə hisob omeydə.
Tojə soronədə Amerkəvıjə işğolçiyon, bə Suriyə nati mənbəon dızdiye məşğulin.
Miladi 2011 minnə soriku tosə bə ısət, Amerkəvıjon de daxıli canqi şəroyetiku sui-istifodə kardey iyən terroristiyə qrupon rəhbəri iyən fəaliyəton ki ıştən Suriyədə əvoni icodışon kardə, vey soron bəbe ki ım kişvəri şimol iyən şərğədə nati meydononku bə nati dızdiye məşğulin.
