İroni imdodi və humanitarə koməkonku 6 minnə təyyorə bə Suriyə varid be
Bə Suriyədə bıə zəlzələku zərər-ziyon vində aliə İroni tərəfo vığandə bıə humanitar koməkonku 6 minnə təyyorə ımruj sıb bə ın kişvəri Lazeğiyə airporti varid bıə.
Suriyə Lazeğiyədə bı İroni mədəni mışovir Əlirıza Fədəvi tojədən votışe: dəvardə 3 ruji mıddətədə İroni humanitarə koməkonku təyyorəon de 199 ton muxtəlif koməkon bo bə Suriyə şimol ğərbədə bıə Lzeğiyə məntəğə varid bıən.
Əv əlovəş karde: çand qılə co vığandə bıə şələon həm de təyyorəon vositə çimiku bənav bə Dəməşğ iyən Hələb vığandə bıə bin ki de ımrujnə ruji bə Lazeğiyə omə təyyorəon tosə bə ısət qırd bə Suriyə İroniku vığandə humanitar koməkon miğdor həminə 3 rujədə bə 6 qılə rəseydə.
Bə 8 rixter nezi Suriyədə omə zəlzələ tosə bə ısət Suriyə 5 qılə ostanonədə dəhşətinə xərobionış icod kardə ki 3 həzonəfəriku vey cəmaəti mardey bois bıə.
De diğğət bə həminə buməlarzə şiddəti jığo vote bıdə ki tələfot çimiku həm vey bəbe.
