Əhle Beyt(ə)-i beynəl xalğə onemoni sərkatib: dınyo səvəyədə Fələstin bə qıləy qlobal cərəyon əvəz bıə

Əhle Beyt(ə)-i beynəl xalğə onemoni sərkatib votışe: dınyo səvəyedə Fələstin bə qıləy qlobal cərəyon əvəz bıə.

Bə İsna aqentiyəti raporti əsos, Ğudsiku himoyə kardeyədə sadığ mandə hın beynəlxalğə iclosədə, Əhle Beyt(ə)-i beynəl xalğə onemoni sərkatib, Ayətullah Rıza Rəmezani bəyonış kardə ki muğavimət qıləy yeqanə roy heste ki Fələstinıjon bəştə həx-huğuğ bırəsən, əv ijən əlovəş kardə: Fələstini barədə, vey məntığ sıxən ıme ki bəpe icozə doey nıbu ki xarıcion Fələstini hakımiyəti be ehtıromi bıkon.

Ayətullah Rəmezani ijən votışe: ım ki işğoləkə rejim, co milləton sərzəmini işğolış kardə və bə işğol bıə sərzəminon jenon və hırdənon həxədə cinoyət kardedə, torixədə qıləy cinoyəte ki dınyo hiç vırədə stajış nıbe.

Əhle Beyt(ə)-i beynəl xalğə onemoni sərkatib, ijən təsdiğış kardə, Fələstini milləti həxədə vey tılə hodisə əncom bıə qıləy holədə ki ım muğəddəsə sərzəmin de İbreymi dinon vey ehtıromin heste.

Ayətullah Rəmezani həmçınin votışe: ımruj dınyoədə muğaviməti cərəyon hevuj peydoş kardə, Yəmən, İrağ, Əfğanıston, Livan və islomi dınyo ummol ğora yəni İroniku. ımruj qıləy cərəyon ki dınyoədə bə islomiyə inğilobi bərəkəti xoto bənə mədəniyət əvəz bıə, istikbori vədə, muğaviməti cərəyone və ım məsələ hiç kəsiro təsəvur kardənin nıbe.

Şərifə Ğudsiku himoyə kardeyədə sadığ mandə Hınə beynəlxalğə iclos de İroni xarıci vəzarətxonə sıxənəvot, Tehronədə bıə Yəməni səfir, Fələstini intifozə beynəlxalğə onemoni sərkatib, İron İslom Respublika  prezidenti Fələstiniku himoyə yol iştiroki bərpo bıə.