Suriyədə İroni səfir: israil, daxıli bıhroni sadir kardey dumoədəy

Suriyədə İroni səfir Məçitoləğsaədə de sionist rejimi oxonə cinoyəton məhkum kardey bəpeşt təkidış kardə ki bəşər həxonku mudafiəkəyon ıştı çəşon oj kənən və bə Fələstini milləti ələyh işğolçiyə rejimi cinoyəton bıvindən.

Suriyədə İroni səfir Məhdi Sobhani de Ələhd nomo bıə Livani xəbəiyə mərkəzi votımonədə votışe: İron, Fələstin və muğaviməti himoyəkə be və heste və koməkoni ki əncom dodə həm həminə cəhətədəy.

Sobhani bə Məçitoləğsa və Ğəzzə tanqə zid, sionist rejimi həmləon məhkumış kardə və votışe: ə zəmon rəsə ki insoniyə həxonku mudafiə kardə kəson, ıştən çəşon ojkənən və məçitoləğsaədə bə nımoj handə kəson və etıkofəkəyon ələyh işğali rejimi cinoyəton bıvindən.

İroni diplomatiya əlovəş kardə: sionist rejim ki de hevujə ictimai və daxıli bıhranon dim bə dime pidəşe bə Fələstini milləti ələyh jığo cinoyəton royku ıştı bıhranon bə işğali sərzəminon xarıc ixrac kon.

Sobhani ijən təkidış karde: sionist rejim pidəşe umumi milləton ım bıhranonku diyəro ko və Fələstini bıvəon cəvob bə ım həmləon Fələstini milləti muğaviməti əktivəti və çəy dəvomi nışonəy.

Suriyədə İroni səfir ijən əlovəş kardə: İron İslom Respublika, Fələstini millətiku himoyə kardeyədə bəşət vəədə baği bəmande.

Sionis rejimi hərbiçion Məçitoləğsaədə de Fələstinıjon ıştə tojə vızməti devrə binoşon kardə və dəvardə çoşəmbə Məçitoləğsa səhni Əlğıbli məçiti daxılədə bə etıkafəkəyon həmlə və cəhd kardışone ki əvoni məçitiku xarıc kon.

Im həmlədə sioniston, 200 nəfəriku vey Fələstinıjə nımoj handə kəson zəxmin iyən 400 nəfər həm dastqir bıən.