İroni prezident bə Suriyə səfər bəkarde

Suriyədə İroni səfir votışe: Seyd İbrohim Rəisi de yolə heyəti bə ico 4şambə bə Dəşəşğ səfər bəkay.

Bə İranpress aqentiyəti raporti əsos, Suriyədə İroni səfir Huseyn Əkbəri de Suriyə prezident Bəşar Əsədi rəsmi dəvəti mayə manqi 3 bə Dəməşğ səfər bəkarde.

Çimiku bənav həm Suriyə Əl-Vətən rujnomə həm bə Suriyə İroni prezidenti səfəriku xəbə doəş be.

Asiya Ğərb məntəğədə İron və Suriyə əloğəon bənə stratejik əloğəon mandəy ki 2 tərəf bə çəy inkişofi təkidışon heste.

Suriyə 12 sornə behroni cərəyonədə iyən de terrorizm mubarizə barde meydonədə İron həmmişə çı Suriyə dıvlət və hakımiyəti peştədə be.

Suriyə prezident Bəşar Əsəd çand kərə çı İroni millət, dıvlət və nizomi həminə himoyəonku ğədrdonətiş kardə.