Ğəzzədə 4 rujə otəşvəsi elan bey

Royterz, Netanyahu ofisiku nəğlış kardə ki ım rejim bə otəşbasti təvafuğ mısbətə sədo doəşe ki bə çıy əsos, 4 ruji mıddətədə, 50 jen və hırdən ozod və ım mıddətədə daveon vəy qıte bıbe.

Bə İran Peres aqentiyəti raporti əsos, HƏMAS elanış kardə: saxt iyən mırəkkəbə muzakirəon bəpeşt, elan kardedəmon ki bə 4 rujə otəşvəsi rəsəmone. Bə ım təvafuği əsos, çand sa humanitar, tib və sutemoni koməkon boy maşinon bə Ğəzzə həmmə məntəğəon vığandə bəbe.

Bə ım təvafuği əsos, 2 tərəfə hərbi həmmə hərəkəton oqəte bəben və 50 nəfər israili jen iyən hırdən ozod bəbe iyən çəy mığobilədə 150 nəfər Fələstini hırdən və jen ozod bəbe.

İjən bə Ğəzzə səmt, işğolçiyə hərbi maşinon hərəkət iyən çəvon ğırəkə təyyarəon oqəte bəben iyən sionist rejim təəhudış kardə ki bə hiç kəs həmlə nıkon.