İroni prezdent: Ğəzzədə bəpe rəyrə otəşvəs bərpo bıbu

İron İslom Respublika prezdent de təkid bə Ğəzzə tanqədə otəşvasi har çəxtə rə icod bey zərurət,votışe: de Amnerkə və kali Avropa kişvəron himoyə sionist rejimi dəhşətinə cinoyət və Ğəzzə tanqə bombardımnoni dəvomi bə bəşəriyəti ələyh cinoyət və etosniye iyən hırdən əkışt bə hisob omeydə.

Qıləy holədə Ğəzzə tanqə bombardımon iyən Fələstini hırdənon və jenon ğətli-am dəvomış heste ki tosə ısət sionit rejimi himoyə kardə ğərbi devləton, Əmniyyət şuraədə harcurnə otəşvasti ğətnomə vetoş kardə və ya Fələstinıjon bombardımon iyən ğətli-ami oqəteyro cəhd kardey əvəzi, Telaviviku veyə himoyə kardeyədə ğətnoməoni bə imzo rosniye dumoədən.

Imruj dışəmbə Tehronədə İron İslom Respublika prezdent, Seyd İbreym Rəyisi de İraği iminnə vəzir, Muhəmməd Şiyae Əlsudani mıştərəkə xəbəiyə iclosədə bəyonış kardə: bəpe har çəxtə rə bə Ğəzzə komək rosniye və otəşvasti icod bey koon əncom bıbu, əv ijən əlovəş kardə: de təssufi Amerkə səmtiku bə sionist rejimi siloh, məlumat və moli  koməkon əncom bəbe və Fələstini milləti həxədə, əvoni bo ğətl, ğətli-am və zalımonə hərəkətonro təşviğ kardedə.

Rəyisi ijən bəyonış kardə: Amerkə iddio ki vottəş be, Ğəzzə tanqədə bo otəşvasti icod kardeyro komək kardedə duə qəpe, əv ijən təsdiğış kardə: Amerkə, İMT əmniyyəti şuraədə təklifi ğətnomə veto kardedə və əmələdə Fələstini milləti ğətli-am kardeyro sionist rejimiku himoyə kardedə.

İron İslom Respublika prezdent ijən təkidış kardə: dınyo, məntəğə, islomi kişvəron iyən əvoni ki bə Xıdo etığadışone, Xıdo vədə, əvoni ki bə bəşəri vijdon etığadışone, vijdoni vədə və əvoni ki bə torix etığadışone torixi vədə karde zınəşon ni ki Ğəzzə tanqədə de sionist rejimi cinoyəton vədə sukut bıkon.

İron İslom Respublika ijən İron və İraği rabitəon barədə votışe: ruj bə ruj 2 qılə kişvəri miyono rabitəon hevuj bəbe və 2 qılə kişvşəri əmniyyəti və siyosi həmkoətion Tehron-Bəğdadi vey muhimmə nuktəonkue.