Aprelə manqi 5 çı Fələstinıjə hırdənon ruj.
-
Bə 300 nəfər nızi Fələstinıjə hırdənon hələ həm çın rejimi zindononədə həbsin.
Imruj(Apreli 5) Fələstinıjə hırdənon ruji mərasimon qıləy vəziyət və şərayetədə bərpo bıdə ki siyonist rejimi hərbion bə Fələstinıjə hırdənon əleyh qıləy plan bıə canqi həmçınan dəvom dodən.
Fələstin məlumat ərosnə vəzarətxanə bo ımrujnə ruji mınosibətiro qıləy bəyoniyə sadirış kardə və ğeydış kardə ki miladi 2000 minə soriku detosə ımsornə sori fevralədə çın cinoyətkorə rejimi ğətliamonədə ijən hərbi əməliyatonədə 2069 qıləy be pənohə hırdən şəhid bıən.
Bəyaniyədə təsdiğ bıə ki Fələstini hırdənon ruj çın milləti hırdənon sədo və vanq karde ruje ijən omə ki: Fələstini hırdənon bo ıştə tale və sərnıvışti mıəyyən kardero bə beynəl xalğiyə iştimaiyəti nəzorət və oqəte ehtiyocışone.
Fələstin məlumat ərosnə vəzarətxanə ijən ğeydış kardə: dəvardə sorədə fəğət siyonist rejim 35 qılə Fələstinejə hırdəni şəhid və 350 nəfəri dəstqirış kardə.
Bo ımrujnə ruji xoto bə Fələstinə əsiron(qiro peqtə bıə kəson) mudafiə əkə kamissiya qıləy raportdə elanış kardə: bə 300 nəfər nızi Fələstinıjə hırdənon hələ həm çın rejimi zindononədə həbsin.
Im təşkilat ujnən beynəl xalğ huğuğiyə təşkilaton ijən Yunisef fandiku tələbış kardə ki bə Fələstinıjə hırdənon mudafiə kardero çımiku vey cəhd bıkən.
