Mosulədə Daeş terroristiyə qrupi məşhurə cəsusə jen dəstqir bıə.

İraği məxsusə hərbiyə ğıvvon əməliyati cərəyonədə çı Daeş terroristiyə qrupi qıləy aliyə sərkərdə və jenə cəsusonku Əhlam Mohsen Əli Mosuli şərği və ğərbiyə sahili miyono pardi ətrofədə dəstqir bıə.

Bə Sputink raporti əsos ım jen İrağədə 2003 minə soriku ijən Səddam rejimi suqutti bəpeştə ıştə fəaliyətış Daeş terroristiyə qrupədə bənə qıləy cəsus və aliyə sərkərdə binoş kardə.

Əhlam ıştə etırofonədə ğeydış kardə ki Mosuli suğuti bənav İraği rəsmion, fərmondəon və polis ğıvvon nom və adresi bo eşkəncə və edam kardero hozzo kardə.

Im cəsusə jen ijən votışe: Daeşədə uzviyəti bəpeştə miladi 2014 minə soriku çın qrupədə əmniyyət və kəşfiyyat mərkəzedə koon bino kardə ijən ıştə həyot həmroş ki əv həm çı İraği polis ğıvvədə ko əkə be de məcburi surət Daeşədə cəzb kardəş be.

Daeş terroristiyə qrup de Əhlam Mohsen Əli koməki vasitə bə İraği dıvlət həmkari karde bəhonə çandə ğeyri hərbion Mosulədə edamış kardə.

Əv ijən Daeşi jenon fik və əğidəonış ıştə məxsusə kəlas və iclosonədə əvəzış kardə.