İron və Ğətəri xəbəiyə aqentiyətion miyono həmkari və əloğəon vey bəbe.
Ğətərədə İroni İrna nomo bıə aqentiyəti və Ğətəri Ğəna nomo bıə xəbəiyə mərkəzi yolon bə həmkari və əloğəon inkişof doe təkid kardışone.
İrna aqentiyəti sədr Muhəmməd Xodadadi ımruj Ğətərədə de Ğətəri milliyə aqentiyəti Ğəna nomo bıə mərkəzi sədr Yusef Ebrahim Əlmaleki mıloğatış kardə ijən məlumaton bə yande vığande barədə suhbət karde bəpeştə votışe: ım 2 qılə xəbəiyə aqentiyətion miyono həmkarion mıtəğobilə dərk ijən 2 qılə kişvəri miyoni həmkari və əloğəon bois bəbe.
Xodadadi nızə şərğədə mediyaon əsliyə məsuliyət və vəzifəonış bo dustiyəti və sulh iyən kişvəron miyono bohranon kam əkə zınəş be və əlovəş kardə: ım ki bəzi kişvəron tələb kardən ta mediyaon tətil bıbu bə ozod məlumaton rəse əsos ni iyən insonə həxon məhəkəy.
Çı Ğəna aqentiyəti yol Yusef Ebrahim Əlmaleki həm həminə mıloğatədə bə İrna və Ğəna miyono sərostə hamkarion təkidış kardə və çəy inkişofi tələb kardışe.
İroni rəsmiyə aqentiyəti rəis de Ğətəri dıvləti rəsmiyə dəvəti bərobər bə ğətər səfərış kardə.
Ğətərədə təhdidon vədə ozodə bəyon nomo bıə iclos ğərore bərpo bıbu.