İroni Yolə Rəhbər: bo deşmənon təbliğiyə fəaliyəton arəku bardero Həcc vey çokə fırsəte.

İroni Yolə Rəhbər, İroni nizomi vədə bə qıləy beynəl xalğiyə cəhbə iyən əzəmətinə təbliğiyə fəaliyəton vıcud işorəşon kardə və votışone: de dınyo milləton əloğə oqəte ijən mığabilə cəhbə təbliğon arəku bardero Həcc vey çokə fırsəte.

İroni Yolə Rəhbər Həzrəte Ayətullah Xamenei zinə de İronıjə hoccion sərpərəst və ımsornə sori Həcci mərasimi rəsmi şəxson vindemon karde cərəyonədə bə İroni vədə qıləy xətərnok, fəal ijən təbliğiyə vey imkonaton xıvand bıə cəhbə hestemon işorəşon kardə və hamiyədən: ım cəhbə vədə mığobilə kardero İroni islamiyə nizom vey zərfiyət iyən zuş heste ijən ım xətərnakə cəhbə vədə mandero bə bəsirətinə roon və fəal iyən huccum əkə təbliğiyə fəaliyəton ehtiyoce ki Həcc bo həminə metodiro vey əsli və əsosiyə mərkəz hisob bedə.

Həzrəte Ayətullah Xamenei çı hocion ğeyrət, ehtırom və əmniyyəti oqəte əcumlə ıştə dılədə bıə muhimmə niqəranionku hisobış kardə və əlovəşon kardə: bə rəsə raporton əsos vey ımsornə İronıjon ım mıvzo barədə rozi mandən əmmo bəzi ğeyri ğanuniyə hərəkəton həm bə vıcud omə ki bəbe təğib bıbu.

İroni Yolə Rəhbər Həccədə İroni milləti məhdud karde ijən de co kişvəron rabitəon kam karde sahə və cəhətədə bənə Komeyli dlvo, mışrikonku diyə roəti elan karde mərasim və co təbliğiyə bərnoməon tətil kare əcumlə çı Səudiyə dıvləti siyasət zınəşon bən və təsdiğışon kardə: islam dınyoədə ısət vey elitaon İroni zıvoniku həğiğəton məse pidəşone çən bəbe vey muhimmə mıvzooni əcumlə de istikbar mubarizə barde, ğərbiyə kişvəron mahiyəti elan karde, dıvon nığılə məzmun ijən deşmənonku diyə roəti elan karde mıhtəvaon de tojə təbliğiyə əbzaron vasitə bə moxatəbon quş bırəsi.

Həzrəte Ayətullah Xamenei, jıqo bə İroni mənfiyə təbliğon sayədə moxatəbon fikədə anədə şək şobhəon ziyodəti qıləy adi və təbiyə mıvzo hisobışon kardə ijən votışone: Həcci dəvoniye faxtədə Səudi Ərəbistoni rəsmion de be həyoəti televeziyaədə bə İroni əleyh təbliğon bardeşone ki yəğin co kişvəron zairon fikədə şobhəon icud kardə ki bəbe de əloğəon vasitə jıqonə şək şobhəon məhv bıbu və muğabilə cəhbə təbliğiyə cərəyoni dareştemon.

İroni Yolə Rəhbər sıxanon bə nav Həccədə İroni Yolə Rəhbəri nımoyəndə Huccətul İslam Seyed Əli Ğazi Əsqər ijən İroni Həcc və ziyorət təşkilati rəis, Həmid Muhəmmədi, ımsornə sori Həcc mərasimədə əncom bıə fəaliyəton barədə raportışon do.