Suriyə Homs şəhri şərğiyə məntəğəonədə İşid Vəhabiyə qrupi məğlubiyət.

Suriyə hərbiyə tojə əməliyaton nəticəku Homs şəhri şərğədə bıə Cəb-Əl-Cərah məntəğədə İşidi uzvon kamilən məğlub və məhv bıən.

Bə İrna raporti əsos Suriyə mudafiə vəzarətxanə zinə şəv elanış kardə: ım kişvəri silohinə ğıvvon Homs şəhri şərğədə de çandə diyon və məntəğəon ozod karde vasitə İşidi kamilən məhvışon kardən.

Bə rəsə xəbəon əsosi qırd ım şəhri ətrofədə bə 2 həzo Km ozod bıə ijən çand sa nəfər çı İşid Vəhabiyə-terroristiyə qrupi uzvon həlok bıən ki çəvonku vey hərbiyə imkonaton bə dast omə.

Daeş terroristiyə qrup ısət çand manqe ki Suriyə şərğədə bıə Həma və Homs nomo məntəğəonədə mıhosir bıə.

Sevi ım 2 qılə məntəğə Deyr-Əl-Zurədə həm çı Suriyə hərbion hevujə əməliyaton xoto Suriyəku Daeşi kamilən məğlub və məhv karde dəvomış heste.

Suriyə kişvəriku de tosə ısət 90 fayz ərazion DAEŞ-i dastiku ozod bıə.