Qeneral Cəfəri: siyonist rejim, Ərəbiston və Amerkə planon məğlub bıən.

İroni sepah təşkilati fərmondə votışe: miyonə şərğədə ijən de istikbar mubarizə barde rohiyəon vasitə çı Amerkə, siyonist rejim və Ərəbistoni həmmə planon məğlub bıən.

Bə İrna raporti əsos qeneral mayor Muhəmməd Əli Cəfəri ımruj Tehronədə əlovəş kardə: DAEŞ terroristiyə qrupi poçə hukuməti məğlubiyəti bəpeştə ısət islamiyə nizomi həmmə planon ifşa bey qırd İroni islamiyə nizomi nəticə və cəhdon sayədə bə vıcud omə.

İroni sepah təşkilati fərmondə təsdiğış kardə: məntəğə və dınyoədə islamiyə mığovimət hevuj bey holədə ijən ım cəhbə səbarzətion ciddi ijən inkişofinə sorətdə dəvomış heste.

Qeneral mayor Cəfəri votışe: ısət çı miyonə şərği həmmə məntəğəonədə islamiyə inğilabi planon bə səbarzəti rəse holədə və omə zəmondə Yəmənədə həm yolə səbarzətion intizor dəmon.

Əv təkidış kardə ki ısət məntəğə kişvəron oğo bıən ki daxıliyə ğudrəti sayədə və de Xıdo təvəkoli bəbe zulm və sitəmi vədə mande və əlovəş kardə: de istikbor mubarizə barde çı İroni islamiyə inğilabi vey muhimmə əsl və əsose ki fəğət bə İron aid ni bəlkəm dınyo milləton həm çəy dumoədə hərəkət kardedən.

Qeneral mayor Cəfəri işorəş kardə ki İron ısət əmniyyəti və mudafiə təhdidon mərhələku dəvardə votışe: ımruj əmniyyət İroni sərhəddonku rəd be və sərhəddon bə tərəf və xaricədə bə vıcud omə.