Pars Today

Imruj dışənbə Dekabri 25 ijən Həzrəte İsa Məsih(ə) milad ruj ğeydiyate.

Kərim ğıronədə Həzrəte İsa Məsih(ə) ki Həzrəte Məryəm(s) qiramiyə zuəe de Ruhullah onvani ğeyd bıə.

Həzrəte İsa(ə) çı yəhudiyon osmoniyə kitob Turatədə təsdiğış kardə ki mıku bəpeşt qıləy Rəsul bome ki Əhməd numış heste(yəni islam dini qiramiyə peyğombər(s)).

Məsihion çı İsa(ə) milad ruji məxsusə mərasimonədə vey bərnoməonışon heste ki kədə noyə sori yolkə səpo karde çəyku qıləy məşhurə mərasimon və adətonin.

Məsihion miyono Həzrəte İsa(ə) moəku bıə ruji barde ixtilafon heste, əmmo noyə sori barde həmmə çı miladi təğvimi rəsmi zıne çərçivədə Yanvari i minə ruji bənə tojə sori ğeyd kardən.

Bə həminə mınosibəti xoto zinə şəviku həm İroni ermənion və məsihion bəştə aid məxsusə şoə bərnoməon bərpo kardəşone.

İroni prezident, Həsən Ruhani həm Həzrəte İsa Məsih(ə) milad ruji ğeydiyati bə dınyo muxtəlifə kişvəron rəsmi şəxson, dınyo katolikon lider Pap Fransis və ə həzrəti tərəfdaron və ilahi həmmə dinon jentonədə bıə momenon təbrik votış ijən Həzrət İsa(ə) osmoniyə təlimon jentonədə bə tohid, mənəviyət, məhəbbət, Ədalət və sulh təkidış kardə.

İroni məclesi rəis Əli Laricani həm qıləy mesajdə Həzrəte İsa(ə) milad ruji ğeydiyati bə məsihiyə kişvəron məclison rəison təbrik votış ijən ilahi dinon tərəfdaron miyono muzakirə və sulhi tələbış kardə.

İroni prezidenti i minə moavin Eshağ Cəhanqiri və İroni xarıci vəzarətxanə sıxənəvot Bəhram Ğasımi həm deştə məxsusə mesajon ımrujnə ruji bə dınyo məsihiyə dıvləton iyən milləton təbrik votışone.

İroni Rəşt şəhri tolışi rədio həm ımruj nə ruji Həzrəte İsəbne Məryəm(ə) milad ruji ğeydiyati bə şəmə təbrik ərz kardedəmon.