Ğətərı xarici koon vəzir:problemon de hamsoyan həl kardeyu həmməysə çokə ro votımone.
Ğərətı məmləkəti 1 minnə vəziri muavin və xariciyə koon vəzir Muhəmməd Bin Əbdulrəhman Ale Sani votışe: Dohə Fars deyo həmkariyə şura uzvon miyonədə problemon həl kardeyu votımoni həmməysə çokə ro zındə.
Bə Ğətər xəbəriyə mənbəon nəğli əsosi İRNA ımruj xəbəş do Əbdulrəhman Ale Sani Fransə beynəlxalğə diplamatikə akademiya iclosədə votışe: Dohə Fars deyo ətrofədə bə bıhronon həl kardeyu votımoni roş oj haştə və ğətərı sanqsiyaədə ğəror doə 4 qılə məmləkətiku tələbış karde ixtilafon həl kardeyu muzakirə bıkən.
ğətərı xarici koon vəzir ım məmləkəti sanqsiyaədə ğəror doə məmləkəton bəhsış be əsos zınə və votışe:Ərəbıston İ bə ərəbon əmirəti Misr və Bəhreyn coiliyə tədbironədə və çəyro dəlil pesoxteədə hərəkət kardən muvzo bə avropaiyə məmləkəton və Amerkə ovoştonon.
