Ğasımi: Fransə rəsmi şəxson bəpe İroni vədə realist bıbon.

İroni xarıci vəzarətxonə sıxənəvot bə İroni qıləy diplomaton əleyh çı Fransə dıvləti 3 qılə vəziron xomə ittihamon rədd iyən Fransə rəsmi şəxsonış bə realist bey dəvətış karde.

Bə xarıci vəzarətxonə mediyaon diplomaеiyə sər idorə raporti əsos, İroni xarıci vəzarətxonə sıxənəvot Bəhram Ğasımi bə İroni qıləy diplomaton əleyh çı Fransə dıvləti 3 qılə vəziron xomə ittihamon reaksiyaədə ki Parisədə qıləy terroristiyə qrupi qırdbemon iyən xərobəkə əməliyotədə mıttəhəm və dəstqir be, ijən de kəşə bıə iddion və ittihamon rədd karde, İroni ım diplomati dəstqir bey barədə şiddətinə etırozi elanış kardə.

Ğasımi de təkid bə ım ki dəstqir bıə İronıjə diplomat bəpe rəyrə ozod bıbu, ım macəraş qırd Avropa və İroni miyono zumand və çok rabitə xərob karde xoto qıləy senari və sui-ğəsd zınəş be ki Amerkə və sionist rejimi niyyəton cəhətədəye iyən de terroristi və Fransə anti millət qrupon tərəfo əncom bey holədə.

İroni xarıci vezarətxonə sıxənəvot de işorə bə İroni əsosə siyosət jığonə terroristiyə hərəkəton məhkum karde, təkid kardeşe: de diğğət bə mıvcudə mədorek və sənədon, deşmenon, bədxahon və zınə bıə xərob karə əmilon naxşon ım məsxərə nımoyışiyə planədə kamilən oşko məlume.

İroni diplomatiyə aparat sıxənəvot de təkid bə İroni vədə Fransə rəsmişəxson realist bey, ijən bə bədtinəton məxfiyə dastonışon ki İron iyən Fransə və co Avropavıjə kişvəron miyono əsərinə kanə rabitəon xərob karde niyyətədən, xəbədorəti iyən notaş do.