Ətomiyə sazışi icra karde barədə İroni bəfodorəti ijən təsdiğ bıə; İron çı Avropa doə vədəon çəş kardedə.

Viyanadə bıə beynəl xalğiyə təşkilatonədə İroni səfir Kazım Ğərib Abadi votışe: ətom beynəl xalğ təşkilat 14-nə kərə bə ətomiyə sazış İroni bəfodor mande təsdiğış ka.

Bə Fars aqentiyəti raporti əsos ım raportədə təsdiğ bıə ki İron hejo bə ətomiyə sazışi baxşon bənə dəvardə 13-minə raporton əməlış karde.

Ğərib Abadi votışe: bo ətom enerji beynə xalğ təşkilati nəzəri mınhərif karde bo deşmənon səy-cəhdon əks İron və ətom enerji beynəl xalğə təşkilati  miyono əloğəon ijən dəvom kardedə.

Əv ətom enerji beynəl xalğə təşkilati fəaliyəton iyən nəzorəti vədə siyasiyə fişar iyən təziğonku tənğidış karde.

Ğərib Abadi ətomiyə sazışi barədə İroni məsolanə rəftori təsdiğış karde iyən votışe: ətomiyə sazışədə mande kişvəron bəpe muğaviləku İroni ticari-iğtisodi mənafe təmin bıkən.

İroni xarıci vəzir Muhəmməd Cəvad Zərif həm tojədən Amerkə tərəfo bə İroni ticari şərikon fişar varde işorəş ka və votışe: Amerkə xəbisə planon vədə intekx maliyə mexanizm bo Avropa vədəonro fəğət qıləy muğəddəmə hərəkət hisob bıdə.

Əv votışe: əqə İroni nati mıştərion çı Amerkə təziğon vədə təslim bıbon, İron həm co əbzariku istifodə bəkarde.

Muhəmməd Cəvad Zərif bə Suriyədə İroni hərbi məşverətiyə hzur işorəş karde və əvış çı Suriyə dıvləti tələbon vositə elanış ka.

Əv votışe: terrorizm məhv bıə ni və fəğət çəvon sima əvəz bıə ta ijən mınosibə vaxtədə bə meydon bıvon.

İroni xarıci vəzir bə sionist rejimi be ğanunə hərəkəton Suriyə, Livan və dınyo ğanuni vədə təkidış ka.