Keşmir məntəğədə Hindistan və Pakistoni hərbion miyono daveon; Pakistoni ərtış 2 qılə çı Hindistani hərbi təyyarəon məhvış karde.

Xəbəon Pakistoni tərəfo 2 qılə çı Hindistani hərbi təyyarəon məhv kardeku hikayət kardedə.

Bə İrna raporti əsos, Pakistoni həvo ğıvvon ımruj 2 qılə çı Pakistoni hərbi təyyarəon ki bə Pakistoni sərhəd təcavuz kardə bin məhvış karde ki i qılə Pakiston və co qılə Keşmir məntəğəonədə eğandə bıən.

Jıqo elan bıə ki təyyarəonku 2 qılə piloton həm kıştə bıən, i nəfər ısət iyən co 2 nəfəri peydo karde əməliyot dəvom kardedə.

Pakistoni mediyaon ım həmlə bə Hındostan çəş nıkardə reaksiya hisobışon karde ki Hındostani zinə ruji hərbi təyyarəon həmlə bəpeştə əncom bıə.

Hındostani mediyaon jıqo elan kardəşon bənə ki zinə Hındostani Avyasiya ğıvvon bə Pakistoni şimal ğərb məntəğəonədə lonə kardə Ceyş Muhəmməd və Ləşqər Təyebə nomo terroristiyə qrupon həmləşon karde ki 300 nəfəri kıştə bois bıə.

Hındostan xusosi muhbaiədə hərbi cəhəto hozzoətəti elan bıə ta ğeyri normal vəzyəti kontrol bıkən.

Zinə ruji həmlə bəpeştə Pakiston çı Hındostani səfarətxonəku əkə Vanqış karde.

Xəbə ome zəminədə həm vəzyət çok bey iyən keşmir sərhədi ətrofədə vəzyət vey bıhronin heste.

2 tərəf hətto bə yande tərəf qollə ğandedən ki çəy nəticəku 4 nəfər Pakistoni ğeyri hərbion kıştə bıən.

Qıvoninə vəzyəti bəpeştə Pakistoni ərtış sıxənəvot elanış karde ki əqə canq bino bıbu Pakiston Mumbai Dehlino şəhron məhv bəkay.

Hındostan və Pakistoni miyono bıhranon şiddətin bey bəpeştə İroni xarıci vəzarətxonə sıxənəvot 2 tərəfi bə ıştəni kontrol karde iyən bıhrani kam karde çərçivədə fəaliyəton dəvətış ka.