De Həzrəte İmom Musə Kazım(ə) şəhodəti sorəqardışi mınosibəti səbəsəloməti.

Imruj hicri ğəməri 1440-nə sori Rəcəbə manqi 25 bərobər de miladi 2019-nə sori Apreli 1, dınyo şiəyon 7-nə İmom, Həzrəte İmom Musə Kazım(ə)-i şəhodəti sorəqardışe.

İmom Musə Kazım(ə) ıştə əzizə dədə Həzrət İmom Cəfəre Sadığ(ə) elmi yolə məktəbədə ki ve yolə alimon əyo huzurışon hest be iştirak əkəy və ıştə əzizə dədə fəzilətonku istifodə karde vasitə əxlaği ali xusiyətonku əcumlə pərhizkarəti, istiğamət, nıtarsəti, iyən ədolət tələbəti yolə olqo be.

İmom Musa Kazım(ə) təğribən 35 sor mıslmonon imomətış bə uhdəs qəte ki xəyli çı soronku həbs be və ya xot Həzrəti tojniyə kardə bin.

Im şərayet nışo dodə ki Həzrəti dovranədə Əhle Beyt(ə)-i vədə Əbasi hakimon təziğon çandə ziyod bıə be.

Həmonə çi ki bə muvcod bıə şərayeti zidd İmom Musa Kazım(ə)-i bə muxalifət karde vadar əki bə mıslmonon hakim bıə fəsotinə siyasi və ictimaiyətiyə nizom be, jığonə vəziyyətədə İmom bə cəmaəti siyasi və ictimaiyətiyə oğoətion əlavəş kardə be iyən çı Bəni Əbbasi hakimon rəftor-siyosəton islamiyə erjon zidd zındə be.

Əbasi xəlifəonku Harun-Əl-Rəşid ki pidəş nıbe cəmaət çı Həzrət Musa Kazı(ə)-i həddış nıbıə elm və fəzilətiku istifodə bıkən qıləy fitnəkarə planədə həzrətışon zindonədə zəhrin kardeşone ki peşo hicri ğəməri 183-nə sori şiəyon 7-nə İmom 55 sorəti sinədə bə şəhodət rəsə.

İslamiyə ironi dindarə millət İmom Musa Kazım(ə) şəhodəti sorəqardışədə mığəddəsə vıron məxsusən dınyo şiəyon 7 nə imomi qiramiyə fərzənd İmom Rıza(ə)-i pokə hərəmədə əzadarəti kardedən.

İron İslam Respublika Tolışi Rədio tərəfo İmom Musa Kazım(ə) şəhodəti sorəqardışi bə həmmə mıslmonon məxsusən tolışə həmzıvonon səbəsəloməti dodəmon.