İron və Çini miyono əloğəon inkişof.

İron və Çini xarıci vəziron zinə şəv Pekinədə de yande vindemon və muxtəlifə 2 tərəfi, məntəğə və beynəl xalğ məsələon barədə muzakirəşon karde.

Muhəmməd Cəvad Zərif iyən Vanq Ye bə tarixi və stratejik əloğəon inkişof xusosi siyasi, iğtisodi, ticari, mədəni, enerji iyən de terrorizm mubarizə barədə sahəonədə təkid kardışone.

Çini xarıci vəzir ım vindemonədə ətomiyə sazışi qıləy muhimmə muğavilə iyən çand tərəfiyə həmkarion nımunə vəsfış karde iyən de i tərəfə siyasəton rəd karde bə ım sazışi oqəte çərçivədə Çin və dınyo kişvəron səy-cəhdon işorəş ka.

Fars Dıyo, Afriqa Şimal iyən Latin Amerkə barədə həm 2 tərəf sohbətışon karde.

İroni xarıci vəzir həm Çini çı İroni yolə ticari şərik hisobış karde və tojə təhəvolaton barədə xusosi ətomiyə sazışi çərçivədə İroni tojə strateqiyaon İroni həx elanış karde.

Im vindemonon kənoədə İroni xarıci vəzarətxonə sıxənəvot Seyed Əbbas Mosəvi həm de Çini xarıci vəzarətxonə sıxənəvot həm 2 tərəfi və beynəl xalğ mıvzoon barədə muzakirəş karde.

İroni xarıci vəzir dəvardə rujonədə bə Tırkməniston, Hindıstan, Yaponiya və Çin səfərış karde.

Muhəmməd Cəvad zərif ıştə ım məcmuə səfəri oxoyədə rəsmən elanış karde ki dınyo bəpe ətomiyə sazışi oqəte xoto iğtisadi təsirinə hərəkəton əncom bıdə.