İron və Pakistoni miyono əloğəon inkişof.

İroni xarıci vəzir və Pakistoni i minə vəzir bə 2 tərəfiyə əloğəon xususi Çabəhar və Quader porti barədə həmkarion təkidışon karde.

Muhəmməd Cəvad Zərif ki bə Pakiston səfərış karde zinə de ım kişvəri i minə vəzir Umran Xani vindemonış ka.

Umran Xan ım vindemonədə bə mıştərikə əloğəon xusosi əmniyyət, sulh iyən iğtisad və ticarət sahədə təkidış karde.

İroni xarıci vəzir ijən de Pakistoni milli məclesi yol Əsəd Ğeysər vindemoni cərəyonədə bə 2 qılə millət və dıvləti miyono həmkarion işorəş karde və sərhəd iyən de terrurizm mubarizə barədə sahəonədə 2 qılə kişvəri miyono çımiku vey həmohənq bey tələbış ka.

Əsəd Ğeysər həm ısətnə şərayetədə bə İron və Pakistoni dustanə əloğəon dəvom təkidış ka və parlemanton miyono həmkarion çımiku vey ziyod pidəş be.

Zərif və Ğeysər məntəğə həssas vəzyəti barədə ijən bə Fələstin millətiku himoyədorəti təkid kardışone.

İroni xarıci vəziri ım səfər zinə şəv sə be.