Hindıstan və Pakistoni miyono bıhraninə vəziyət dəvom kardedə.
Pakistoni və Hindıstani miyono sərhəd ixtilafon dəvomədə zinə həm daveon nəticədə 2 nəfər çı Pakistoni ğeyri hərbion kışte və 3 nəfər zəxmin bıən.
Bə İrib raporti əsos ım həmlə Keşmir məntəğə iyən Nəkron sərhədi ətrofədə be.
Im qılə holədəy ki Pakistoni xarıci vəzir Şah Məhmud Ğorəyşi tojə mısohibə ədə bə Keşmir məntəğə bıhrani de İ Bıə Milləton Təşkilati ğətnomə və ğanuni həl karde təkid və təsdiğış karde ki Pakiston de Hindıstan bıhranon ziyod karde pidəş ni bəlkəm Keşmir məntəğə moşkilaton bəbe de sulhin roon həl bıbun.
Tojədən xəbə ome ki Ləşkər Təyyebə nomo terroristiyə qrup həm təhdidış karde ki Hindıstonədə həmlə və tepemon əməliyaton əncom doe ehtımal heste.
Co qılə xəbə həm Keşmir məntəğə barədə ıme ki Pakistonədə şiə lideron mıştərik iclosədə əkəyon Hindıstoni Keşmir məntəğəku İroni yolə rəhbəri himoyəon bə təğdiri loyiğ hisob kardışone.
Həzrəte Ayətullah Xamenei dəvardə hafə ədə Keşmir məzlumə mısılmonon şərayetiku ıştə niqərani və norohəti elanış kardə be.
