Keşmir məntəğədə Hindıstani cinoyəton dəvom kardedə.
Keşmir məntəğədə Hindıstani cinoyət siyasəti dəvomədə 3 nəfər etıraz kardə kəson Camo və Keşmirədə kıştəşon; çandə mısılmon həm tojə etırazonədə zəxmin bıən.
Pakistan dıvlət rəsmən ım tojə cinoyəti məhkumış karde.
Xəbə ome ki həminə həmləonədə qıləy Keşmiri 13 sor sıniş bıə kinə həm kıştə bəy.
Sərhədə həm Hindıstan və Pakistani miyono daveon ijən de qullə ğande dəvom kardedə; 2 tərəf bəzi faxt otəşbasti raşiyədən.
Keşmir məntəğə Huriyət şura qıləy yol Moləvi Bəşir, Keşmir məntəğədə Hindıstani tojə dıvrə cinoyəton məhkumış karde və ım hərəkəton vədə islamiyə təşkilaton iyən İ Bıə Milləton Təşkilati sukuti tənğidış karde.
Sərhədi bə tərəf yəni Çin və Hindıstani miyono həm daveon dəvom kardedə; Hindıstani dıvlət iddia kardedə ki tojə daveonədə iyən Ladax məntəğədə 40 nəfər Çini hərbion həlok bıən.
Çin həm jıqonə iddeaonış çı Hindıstani tələfoti barədə bəyon kardedə.
