Sionist rejimi cinoyəton barədə İ Bıə Milləton Təşkilat təsiri vədə Amekə maneon.

İ Bıə Milləton Təşkilatədə İroni daimə nımoyəndə, Fələstin işğaliyə məntəğəon bə Ğuds rejimi dəçokne qıləy be ğanunə ko bə hisobış varde.

Bə İrna raporti əsos Məcid Təxterəvançi ım təşkilati tojə iclosədə votışe: qılə holədə ki Fələstin sərzəmini işğal, çı Asiya ğərb bıhrani əsliyə illəte əmmo İsrail rejim deştə tojə xəbisə planon ijən cinoyət və ıtosniye hərəkəton bənav bardedə.

Təxterəvançi əlovəş karde: jıqonə planon hukmən Asiya ğərbədə bıhranon mərkəb karde bois bıdə iyən məntəğədə bevəcə nəticəonış bəbe.

İ Bıə Milləton Təşkilatədə İroni daimə nımoyəndə təsdiğış karde: sionist rejimiku Amerkə himoyəon ım rejimi təşviğ kardedə ki bəştə cinoyət iyən be ğanunə rəftori əlovə bıkə ki çəy oşko nımunəon Suriyə, Livan və Ğəzzədə moşahidə bıdə.

Məcid Təxterəvançi rə sionist rejimi qırd işğal siyasəton  sə bey tələbış karde və votışe ki ım sahədə İ Bıə Milləton Təşkilat bəpe ciddi siyasəton xusosi mıstəğil Fələstin kişvəri təşkil doe çərçivədə əncom bıdə.

Tojədən İurdaniya xarıci vəzir həm bə Fələstin mıstəğilə kişvəri təşkil doe zərruriyati təkidış karde.

Əmmo xəbəon İurdan ru ğərbi məntəğəon işğal karde planədə sionist rejimi tarsiku hikayət kardedə: hətto ım rejimi rəsmi şəxson həmonə plani icraədə təxir ığandeyku xəbə dodən.

Tırkiyə dıvlət həm ımruj rəsmən de sionist rejimi ım xəbisə plani ıştə muxalifəti elanış karde.