Mosulı şərğ hissədə terroriston məğlubiyətion vədə Əlbəğdadi xışm.
İŞİD terroristiyə qrupi sərkərdə iraği şimal Mosul şəhri dılədə de veyə surəti iraği əmniyyətiyə ğıvvon inkişafi vədə mosulı şərğiyə baxşonədə ım terroristiyə qrupi yolə uzvonış beğandə.
Bə telerədyo aqentəti xəbon əsosi İŞİD terroristiyə qrupi sərkərdə Əbubəkr Əlbəğdadi çı qrupi yolə uzvon cəzo doe xoto çəvon əmirəti onvanış sə və ım məsələ Mosul şəhri şərğiyə baxşonədə canqi meydoniku tıle xoto bə.
bə şohidon votəyon əsosi Mosul şəhrədə əlavə bə ımki İŞİD terroristiyə qrupi miyonədə bə iyandı bovə iyən əmniyyət ni və cotərəfədə ım terroristiyə qrup ıştə hərbiyə sirron niyon kardeyu bə domo nışteku nav Mosul ali məktəbədə həmmə səbədonışon otəş jə.
bəzi xəbon həm bimiku hikayət kardə ki Mosulı şərğ hissədə bəzi silahlinə şəxson deyandı bə dave məşğulin.