Amerkə ziyodtələbion vədə təslim nibəbemon.
İroni xarıci vəzir təkidış karde ki İron hiç faxt çı Amerkə ziyod tələbion vədə təslidm nibəbe iyən sipiyə kə əqə de həğiğəton mıtobiğ rəftorış bıbu bə sazeşi dast peydo karde bəbe.
Bə İrna raporti əsos, Huseyn Əmirəbdullahiyan tojədən ıştə Tuvitter mesajədə nıvışteşe: Viyana muzakirəonədə icod bıə mane çı Amerkə siyosəton nəticədəy iyən İroni xarıci vəzorətxonə de diğğət bə təiin bıə sıə xətton və İroni məclesi ğanunuon de zumandə mənteğ iyən mıstəğil surəti bə muzakiron dəvom doydə.
Əmirəbdullahiyan əlovəş karde: çı Amerkə ziyod tələbion vədə təslidm nibəbe iyən sipiyə kə əqə de həğiğəton mıtobiğ rəftorış bıbu bə sazeşi dast peydo karde bəbe.
De anti İron zalimonə təhrim və sanqsiyaon ləğv kardey mehvəriyəti İron və ğərbiyon miyono bıə muzakirəon 8 minnə dıvrə Fevrali 8ku Viyanadə bino bıə.
İron vey kərə elanış karde ki Amerkə bənə atom sazışi ləğvəkə kişvəri bəpe de anti İron sanksiyaon ləğv kardey bə ın muğavilə oqardo peşo İron həm de sanksiyaon ləv bey prosses iyən dırıstəti imtivoni bəştə qiədə bıə koon əncom bədoy.
Qıle holədə ki Viyanaədə anti İron sanksiyaon ləğv kardeyro atom muzakirəon dəvom kardeydə, Amerkə tojədən bə İroni bəzi rəsmi şəxson iyən təşkilaton zidd tojə sanksiyaonış təsdiğ kardə.
