İroni Yolə Rəhbəri Bə Əfğanistonədə bıə terroristi həmləonədə şəhidon ailəon vığandə mesaj.

Əfğanistonədə bıə İroni səfiri muavin Kabulədə de terroristi həmləonədə şəhidon ailəon vindemoni cəryonədə İroni Yolə Rəhbəri mesaji bəvon təğdimış kardə.

Bə Fars aqentiyəti raporti əsos, Əfğanistonədə bıə İroni səfiri muavin Seyd Həsən Murtəzəvi həminə vindemonədə təsliyət mesaji kənoədə votışe: İron İslam Respublika tərəfo komilə hozzıəti elan bıdə ta teroristiyə həmləonədə zəxmin bıə kəson bə tehron vardə bıbun ta çəvon mualicə əncom bıbu.

Əfğanistonədə dəvardə rujonədə çandə terroristi dəhşətinə həmləon əncom bıə ki veyni bə hırdənon iyən nımoj votə kəson zidd be.

Çandə nımojəvot cımə Əfğanistoni Məzarşərif şəhri qıləy məçidədə bıə Terroristi həmlə nəticədə təğribən 50 nəfər beqınohə millət çı Məzarşərif şiəənıştə şəhri Sedokan məntəğə terroristi tıpımonədə şəhid bıən ki əlbətə vey zəxmin bıə kəson hol-əhvol həm çok ni.

2 ruj çimi bənav həm bə Kabuli ğərbədə bıə 2 qılə elmi mərkəz terroristi həmləon nəticədə çandə bepənohə tələbə və hıədən kışte iyən zəxmin bıə bin.

İşid terroristi qurup rəsmən bə Məzarşərif məçidi həmlə məsuliyəti ğəbulış kardə.