Rəiysi: Suriyə həmmə marzonədə Dəməşği ərtışi hakımiyət lozime.

İron İslam Respublika prezident: Suriyə ərtış bəpe bə ım kişvəri həmmə marzon hakımiyətış bıbu iyən ım kişvəri ərazi təmamiyyət ehtırominə məsələy.

Bə İron İslam Respublika prezidenti məlumatərosnə mərkəzi raporti əsos, zinə Tehronədə İron İslam Respublika prezident Sed İbrahim Rəiyisi, Suriyə xarıci vəzir Feysəl Meğdadi vindemonədə, Suriyə millət iyən dıvlətiro muvəffəğiyət və səbarzəti urzoş kardə iyən əlovəş do: vəoməyədə ım kişvəri milləti mənafe hosil bəbe, və məntəğə və ım kişvəri vəomeyro Suriyə milləti səbr iyən muğavimət, ruşinə tale təşkil bədoy.

İron İslam Respublika prezident votışe: Forati şərğ iyən həmmə məntəğəku Amerkə xarıc bey, Asiya ğərb bıhranon muhimmə hələkə roye, və jəqo ki İroni islamiyə inğilobi Yolə Rəhbər hamiyəşe: Amerkəvıjon bəpe Suriyəku xarıc bıbun.

Feysəl Meğdad həm de Suriyə prezident Bəşar Əsədi səlomi vığandey, Suriyə əmniyyəti və siyasi ısətnə vəziyəti barədə, bə İron İslam Respublika prezident qıləy raporti bəyonış kardə.

Suriyə xarıci vəzir ijən Suriyə muşkilaton və məsələon həlliro bəştə kişvəri irodə iyən cəhdon işorəş karde və əlovəş do: ım hədəfi bə vırə rosniye cəhətədə, siyasi və diplomatiya təşəbbusi lozime.

Suriyə xarıci koon vəzir İronədə Astanə iclosi bərpo beyku ğədrdonətiş karde və ım iclosi nəticəonku ıştə rizoyəti nışoş do ijən votışe: İron İslam Respublika prezident iyən İslamiyə inğilobi Yolə Rəhbəri nəzəon, Tehron və Dəmeşği miyono bıə vəhdəti nışonəy.