Qeneral Səlami: millət deştə iştiroki vositə, həmişə Amerkə təhğirışon kardə.

İslamiyə İnğilobi Sepah Təşkilati kamandir təkidış karde: millət deştə iştiroki vositə, həmişə Amerkə təhğirışon kardə iyən çand minnə kərəro subitışon kardə ki bə Həzrəte İmom Xomyni(r) votə əsos, Amerkə karde zınəş ni hiç qılə ğələt əncom bıdə.

Zinə Şirazədə Şahçirağ(ə)-i pokə hərəmədə bıə terroristiyə hodisə şəhidon təşyi mərosimədə, İslamiyə İnğilobi Sepah Təşkilati kamandir Qeneral Huseyn Səlami Əhle Beyt(ə)-i 3 minnə pokə hərəmədə çand nəfər İroni məzlumə milləti şəhodəti təsliyət votışe iyən şiddətin surətədə, ım dəhşətinə cinoyət və bevəcə hərəkət məhkum və əlovəş karde: hiç vaxt, de ım çand nəfər fərib hardə kəson vositə, İslamiyə əzəmətinə İnğilob zərəl-ziyon nibəvinde.

Bə İran Peres aqentiyəti raporti əsos, Qeneral Səlami Şahçirağ(ə)-i pokə hərəmi şəhidon təşyi mərosimədə, Şirazi milləti əzəmətinə iştirok, İroni ğəssəm hardə deşmonon ğoymə məğlubiyət zıneydə iyən votışe: meydonədə, İroni aqah və bəsirə milləti iştirok, bə Amerkə, israil və co qılə zəifə deşmonon sinə, xəlosə ti vığandedə.

İroni Sepah kamandir ijən bəyonış karde: oxonə iğtişoşon iyən xəbisə planon sionist rejimi məhsule, əv ijən təkidış karde: dəvardə 43 sori mıddətədə, əvon vey yolə məğlubiyəton şohid bıən.

Qeneral Səlami ijən bəyonış karde: vaxti Amerkə, bə İroni millət sanksiyaon əncomış do, və damon iyən co baxşonədə, ixracat və varid bey icozə nıdo, meydonədə, millət çəy cəvobi doşone, Səlami ijən votışe: İrağədə və bənə nonəcib surətədə, de terrorizmi mubarizə bardey ğəhrəmon, yəni Sərdor Şəhid Hac Ğasım Suleymani şəhidışon kardə, Amerkə baza hədəf ğəror domone, əvon karde zınəşon nıbe ki cəvob bıdən iyən tojədən subitə bıə ki Amerkə karde zınəş ni ki hiç ğələti bıko.

Qeneral Səlami ijən votışe: diyəro mandə sərzəminonədə, cinoyətkorə Amerkə, sionist rejim iyən məğlub bıə iyən oqıniyə Ale Səud, əzizə İroni mənəvi və siyasi zumandəti və nıfuzi vindeşone və fahmedən ki karde zınəşon niki bə İroni millət səbarz bıbun, və veyə məğlubiyəton bəpeşt, pidəşone ki bə çəmə kişvəri cıvonon zərər-ziyon bıjənən.