Sepah təşkiloti Həmzə Seyeduşşuhəda nomo ğərorqoh kamandir: bə İraği sərhəddi 80 kilometri nığılətidə, terroristiyə qədə qrupon vırə həmlə kardımone.
İslamiyə İnğilobi zəmini ğıvvə Həmzə Seyeduşşohəda ğərorqoh fərmondə votışe: Sepah zəmini ğıvvə dron və rəketi əməliyotədə, İraği Kırdıstoni məntəğədə terroristiyə qədə qrupon tojə bazaon, həm marzədə və həm ım kişvəri 80 kilometrə nığılətidə hədəf ğəror domone.
Zinə Dışəmbə, İraği Şimol məntəğə separatçiyə terroristiyə anti qədə qrupon İslamiyə İnğilobi Sepah təşkilati zəmini ğıvvə rəket iyən dron hevujə 2 minnə əməliyot əncom bıə.
Bə İrna raporti əsos, İslamiyə İnğilobi zəmini ğıvvə Həmzə Seyeduşşohəda ğərorqoh kamandir Qeneral Muhəmməd Təği Əsanlu İraği Kırdıstoni məntəğədə terroristiyə qədə qrupon vırə hədəf ğəror doey barədə əlovəş karde: İrağədə, bə separətçiyəti iyən terroristə qədə qrupon ələyh İroni iminnə dıvrə əməliyotiku bəpeşt, terroriston co qılə məntəğəonədə tojədən ıştə hərbiçion sakin kardışone ki ım vırəon zıney bəpeşt iyən hədəf ğəror domone.
Qeneral Əsanlo ijən təkidış karde ki de separətçiyə qədə qrupon vositə, İroni şimol ğərbi şəhronədə kali beqınohon kıştə bıən, əv ijən votışe: Sənəndəc, Banə, Məhabad və Bukan şəhronədə de ım xəbisə plani bəzion be illət kıştə bıən ta çəyku bənə əbzor bə İroni zidd istifodə bıbu.
Sentiyabrə manqi 24 minnə rujədə, İslamiyə İnğilobi Sepah təşkilati zəmini ğıvvə, bə separətçiyə terroristiyə qədə qrupon çand kərə nota doey bəpeşt, bə çəvon məntəğəon qıvoninə həmləon əncomış do, və elanış kardə tosə zəmoni ki çəvon terroristiyə hərəkəton behərəkət nıbu, rəket iyən dron həmləon dəvom peydo bəkay.
