Çılə(Yəldo) şəv de İron iyən Əfğanistoni nom dınyo mədəni irson siyahiədə ğeyd be.
YUNESKO təşkilot rəsmən Çılə(Yəldo) şəvi bənə İron və Əfğanistoni mıştərəkə mədəniyət və mərosimi dınyo irson siyahiədə ğeydış karde.
Bə isna raporti əsos, qıle holədə ki vey kişvəron de işlakon bəyon karde Çılə şəvi bəştə nomi unvan peqəteyro cəhd kardedə bin əmmo İron de Əfğanistoni həmkoəti ın İronıjə kanə mərosimi mıştərik surəti bəştə nomi unvani ğeyd kardışone.
Kişvəroni bənə Bənqladış, Uzbəkiston, İsviç, Cənubi Kariya, Ərəbiston, Eslovakiya iyən Çexiya de işorə bə Əfğanistoni şəroyet çın kişvəri nomi ğeyd kardeyku niqəron bin əmmo Malaziya və Hidostan çı İron və Əfğanistoni ın mıştərəkə koy peştədə mandin və nəhayət ədə Çılə(Yəldo) şəv bənə İron və Əfğanistoni tarixi irsi YUNESKO siyahiədə ğeyd be.
2014 minə soriku Çılə(Yəldo) şəv İroni tərəfo bənə İronıjə mərosimi çəy təsdiğ kardey bə YUNESKO elan bıə be.
Çılə(Yəldo) şəv har sorədə bərpo bıə kanə və ğədimi mərosime ki çəyədə həşi nur vey bıdə iyən çəy dəvoniyə kəsonnur iyən ğaməti bənə muhimmə məsələ ıştə mərosimi mehvər bə hisob vardən.
Çılə(Yəldo) çı pozə fəsli oxonə şəve ki çəy dəvoniyeyro muxtəlif xorəkon ğeyd bıə iyən ailəon bəştə yolon osə ğandən.
