İron, Çin və Rusiyə har sornə dıyo manevrədə məntəğə kişvəron iştirok
İron İslom Respublika ərtışi dıyo komandir, İron, Çin və Rusiyə har sornə dıyo manevrədə məntəğə kişvəron iştirokiku xəbəş do.
Ərtışi dıyo ğıvvə komandir admiral İrani bə İron, Çin və Rusiyə har sornə dıyo manevrədə məntəğə kişvəron iştiroki xəbəş do iyən votışe: Hındi okean kənoədə həmmə kişvəron həm bə "Ayonz mıştərəkə manevr" dəvət bıən.
Bə Tele-Rədio aqentiyəti raporti əsos, Admiral İrani elanış karde: Çabəharədə qıləy dıyo əmniyyəti mərkəz icod bəbe. əv ijən votışe: ım mərkəzədə Omaniro qıləy vırə proqonoz bıə və həmçınin Omanədə həm İroniro jıqo fırsət icod bıə.
İron İslom Respublika ərtışi dıyo komandir bə İron, Oman və Pakistoni rabitəon mıbodil təkid və əlovəş karde: Çabəharədə de əmniyyəti mərkəzon icod kardey vositə, bə kəştion ım 3 qılə kişvəron mıştərəkə imdod rosniye icod bəbe.
İron İslom Respublika ərtışi dıyo komandir Admiral İrani ijən votışe: məntəğə bə iştiroki dəvom doey ehtiyocışe və İron və Oman məntəğədə əmniyyəti icod kardey zərfiyətış heste.
