İron İslom Respublika prezident bə Dəməşğ varid bıə

İron İslom Respublika prezident bə Suriyə prezidenti rəsmi dəvəti əsos, de ali heyəti bə ico bə Suriyə kişvəri paytəxt, Dəməşğ varid bıə.

Bə İrna raporti əsos, ımruj sıb, İron İslom Respublika prezident Sey İbreym Rəyisi  və çəy bə ico bıə heyəti təyyorə Dəməşği beynəlxalğə airportədə bə zəmin nıştəşe.

Rəyisi iyən çəy bə ico bıə heyət, bə Suriyə ıştə 2 rujə səfəri cərəyonədə de ım kişvəri ali rəsmi şəxson 2tərəfiyə ticori və iğtisodi həmkoətion səthi inkişof və hevujəti iyən siyasi rabitəon zumand kardey roon barədə məşvərət bəkan.

İron İslom Respublika prezident ijən bə Suriyə səfəri cərəyonədə, İron və Suriyə taciron mıştərəkə iclosədə iştirok peydo və de əvon votımon bəkay.

De Suriyə sakin bıə İronıjon vindemon və votımon kardey iyən Suriyə muğəddəsə vırəon ziyorət kardey bə Suriyə Rəyisi co qılə səfəri bərnoməonku bə hisob omeydə.

Bə Suriyə kişvəri səfə, 13 soriku bəpeşt, İron İslom Respublika prezidenti iminnə səfə bə hisob omeydə.