Ərəsi reylsi koridori icod kardeyro İron və Azərbaycan R. sazışon

İron və Azərbaycan R. iğtisodi mıştərəkə kamissiyaon yolon iclosədə, Ağbənd pardi əməliyoti bino bey iyən Ərəsi reylsi koridori icod kardeyədə İroni sərzəminiku reyls xətton roy dəvardey icraiyə porotokolon imzo bıə.

Bə İrna raporti əsos, Ərəsi koridori icod beyədə İroni sərzəminku reyls xətton roy dəvardey icroiyə protokolon imzo bıə ki bə çəy əsos, bə Ərəsi ru sə, osınə royro qıləy opard de Azərbaycani tərəfi investisiyaon vositə soxtə bəbe.

Bukoədə, İron və Azərbaycan R. iğtisodi mıştərəkə kamissiya yol iyən şəhrsoxtey iyə roy vəzir, Mehrdad Bəzrpaş de İron və Azərbaycan R. iğtisodi həmkoətion mıştərəkə kamissiya yol iyən iminnə vəziri muavin, Şahin Mustəfayevi iclosədə de işorə bə Ərəsi ru sə reyls xətton soxtey votışe: Ostoroədə kulli sazışon əncom iyən sazışon nota nıvıştə bıə və ehanə Azərbaycan tərəf hozzoş bıbu sazışon imzo iyən icra bəbe.

İroni roy və şəhrsoxtey vəzir ijən təkidış kardə: jıqo şəroyetədə reyls baxşi plani əməliyot həm karde bəzne roy əməliyoti kənoədə icra bəbe.