Pars Today

İroni islamiyə şura məclisi xarıci siyasət və milli əmniyət kamissiya rəis votışe: İroni məclisədə qıləy layihə hozzo bəbe ki bə çəy əsos Amerkə cəsusiyə təşkilat iyən Amerkə hərbiyə ğıvvon bənə terroristiyə təşkilat və qrupon hisob bıbon.

İroni islamiyə şura məclesi xarıci siyasət və milli əmniyyət kamissiya rəis Əlaeddin Burocırdi bə İrib votışe: de diğğət bə muxtəlifə bohranonədə ijən məntəğə kişvəron əcumlə Əfğanestan, İrağ, Suriyə və Yəmənədə Amerkə hərbiyə ğıvvon veyə huzur həmçınin çəvon himoyə dorti karde çandə terroristiyə qruponku ki məntəğədə vey milləton və cəmaəton ğətliam kardedən Amerkə hərbiyə ğıvvon bənə terroristiyə qrupi hisob karde təbiye iyən lozime.

Burocırdi əlovəş kardə: Amerkə hərbiyə ğıvvon çın kişvəri SİA təşkilati cəsusi və məxfiyə əməliyatonış məntəğədə hidoyət kardedə.

Əv təkidış kardə ki de diğğət bə Amerkə zalımanə rəftoron ijən bə İroni əleyh çın kişvəri dıvlət və konqresi embarqo və sanksiya dışmənçiyə siyasəton İroni islamiyə məclis vey faxte ki de nımoyəndəon həmohənqi və i bey həminə ğanuni layihə hozzoş kardə.

İroni islamiyə şura məclesi xarıci siyasət və milli əmniyət kamissiya rəis həminə layihə nomi barədə votışe: həminə ğanuni nom Amerkə hərbiyə ğıvvon və cəsusiyə təşkilati bənə terroristiyə qrupon ğeyd karde heste.