Imsor İron iyən Tırkiyə miyono ticorət devriyyə bə 8,5 milyard dollari rəsə

Imsor İron iyən Tırkiyə miyono ticorət devriyyə bə 8,5 milyard dollari rəsə

-İron İslom Respublikə qomruk rəyisi elonış kardə ki, dəvardə 9 manqədə İroni de Tırkiyə umumi ticorət(ixrac və idxal) həşt milyard 500 milyon dollariku ziyod bıə.oxonə soronədə Tırkiyə çe İroni muhimmə ticorət tərəfdoronku qıləyni hisob beydə ki,bə İroni qomruki dərc bıə statistika əsos,ın məmləkət oxonə 10 sorədə çı İroni əsosə idxal mənbəonədə hejo iminə penc kişfəron miyono bıə.İron İslom Respublikə və Tırkiyə rəsmiyon bə dıqlə məmləkəti miyono siyosi və ixtisodi əloğəon hevuj kardey təkid kardəşone. Rusiyə bədiqə İron çı Tırkiyə dıminə ğaz tədarukəkəy.bın nezono İron iyən Tırkiyə xaricikoon vəziron muavinon “Mehdi Səfəri” və “Əhməd Yıldız” ixtisodi rabitəon hevuj kardey və dıqlə məmləkəti miyono ticorəti həcmi sorədə bə 30 milyard dollari rosney hədəfi ətrofədə fiki mıbodiləşon bardə.bə İRNA məlumoti əsos,İroni qomruk rəyis Məhəmməd Rezvanifər zinə çoşanbə ruji votəşe:ımsornə sori 9 manqədə bə Tırkiyə 3,3 milyard dollar erjədə 6,4 milyon ton mol ixrac kardey bıə ki,ım həm12,5% ziyodəti mənoədəy.ımsornə sori 9 manqədə de Tırkiyəku idxalıi mığdarı əloğədor Rizvanifər əlovəş kardə:ın mıddəti ərzədə bə kişfəri 5 milyard 300 milyon dollar erjədə 3 milyon ton mol idxal kardey bıə ki,ın həm 12% ziyodəti nışon doydə.bə İroni ixtisodiyyati vəziri muavini sıxanon əsos, bın devrədə çı İroni bə Tırkiyə ixrac kardə əsos məhsulon təbiyi ğaz,karbamid,aluminiyum, osonə kulçəon və ğır,əmmo əsosə idxali molon həşipərəstə ruyən,telıə kulçə və bo heyvondorətiro bıə məkəy.bın miyono İroni xarici ticorəti həcm ımsornə sori 9 manqədə de 7% əlovəti bə 112 milyard dollari rəsə.İroni cari sori 9 manqədə nat,elektrik enerji və texniki və mıhəndisəti xıdməton daxil bıə holədə və çəmədonə ticorəti ixrac statistikə istisno bıə holədə ixracatış bə 63 milyard 970 milyon dollara rəsə və mıhəndisəti 780 milyon dollar,elektrik enerji ixrac həm 300 milyon dollare.