Bə Ğəzzə tanqə Xan Yunisi avarəon sionist rejimi həmlə xoto, Pokistoni reaksiya
Jul 24, 2024 10:07 Asia/Tehran
Pokistoni iminnə vəzir, Ğəzzə tanqə cənubədə bə Xan Yunisi məntəğə sionist rejimi hərbiçion vızməti həmlə məhkumış kardə.
Bə Tele- Rədio aqentiyəti raporti əsos, zinə Seşəmbə Pokistoni iminnə vəzir saray elonış kardə: ım kişvəri iminnə vəzir Şəhbaz Şərif fəğət çand dəğiğə tey kardey əmri bəpeşt, bə Xan Yunisi məntəğə sionist rejimi hərbiçion vızməti həmlə, bəşəriyəti məsxərə kardey zınəşe.
Pokistoni iminnə vəzir İ Bıə Milləton Təşkilotiku tələbış kardə ki Fələstinədə otəşvəsi icod kardeyədə ıştə roli ifo bıkon.
Im bəyoniyədə ijən omə demi həm ki bə Fələstini avarəon hətto teyli kardey fırsəti dodəşon ni, ım həğiğət oşko bıdə ki israili hərbiçion Fələstini tum bırniye dumoədən.