Ğətər: Doha Ərəbıstonı şərton ğəbul əkə ni.
Ğətər məmləkəti xarici koon vəziri işarəş karde ım məmləkət əlağon addi kardeyu Ərəbıston və çəy şərikon şərton ğəbul nibəkay
Bə İRNA xəbon əsosi Şeyx Muhəmməd Ben Əbdulrəhman Ale Sani zinə şanqo İtaliya məmləkətdə votışe:Ərəbıston və çəy şərikon tələbon Ğətər məmləkətiku çı məmləkəti milli hakimiyyəti ləğv karde mənoədəy və votışe: Dohə Ərəbıston Misr İ bə bə ərəbon əmirəti və bəhreynı 13 baxşə şərton ğəbol əkə ni.
Ğərət məmləkəti xarici koon vəziri əlavəş karde Dohə fəğət çokə şərayetəndə de Ərəbıston və çəy şərikon bə votımon karde hozzı bəmande.
Şeyx Muhəmməd Bin Əbdulrəhman Ale sani sıxanon qıləy holədəy ki Dohə tərəfiku 13 baxşə şərton ğəbol kardeyu Ərəbıston və çəy şərikon tərəfiku təin kardə vaxt orəxe holədəy.
Ərəbıston Misr İ bə ərəbon əmirəti və Bəhreyn ki iyoni 5 nə ruji co bə coə bəyonotonədə de Ğətər ıştə diplamatikə əlağəşon ğət karde iyoni 23 nə ruji ıştə tələbonku qıləy 13 baxşə siyahişon bə Ğətər təğdimışon karde və elanışon kardə de Dohə əlağon addi karde bə ım tələbon əməl karde anqıle.
Ərəbıston və çəy şərikon muhimmə şərtonku ki ğətərı məmləkətiyu təinışon kardə de İron iyən Hizbollah çı məmləkəti diplamatikə əlağon ğət karde və kamilə sorətdə Əlcəzirə kanali ğət karde və ğətərı əraziədə Turkiyə hərbiyə mərkəzon qırdə kardeye .
