Ğətər sanqsiyaon peqəteyu bə Fars deyo həmkariyə şura 3 ruj vaxtış doə.
Ğətər qıləy 3 rujə vaxtış təin kardə və elanış kardə əqər ım 3 rujədə Ərəbıston İ bə ərəbon əmirəti Bəhreyn və Misri muhasirə bə Ğətərı zid peqətə nıbo Fars deyo həmkariyə şuraku xaric bəbe.
Bə telerədyo aqentəti ımrujnə xəbon əsosi Ğətər məmləkəti xariciyə koon vəzir Muhəmməd Bin Əbdulrəhman Ale sani bə Fars deyo həmkariyə şura rəis Əbdullətif Bin Raşid Əlziyani mesajış vığande və elanış karde əqər ım 3 ruji muddətdə 4 qılə ərəbiyə məmləkəti tərəfo Dohə muhasirə ləğv nıbo Ğətər çı şura 6 qılə uzviku qıleni de rəsmiyəti çəyku xaric bəbe. və bə çəy nakonə və omə ğərolon həm əməl nibəkay.
Ale Sani Fars deyo həmkariyə şuraku bə Ərəbıstonı suistifadə məntəğə və dınyoədə təməkarə hərəkəton işarəş karde və dəvomədə əlavəş karde ilə məmləkət Fars deyo həmkariyə şura coqlə ərəbiyə məmləkəton vırədə nəzə dodə.
ğətərı xarici koon vəzir həmçinin işarəş karde ki Dohə bə beynəlxalğə ğanonon və çəvon əvvələdə de terarizm mubarizə barde bovəş heste və votışe:əviki ım 4 qılə ərəbə məmləkət ğətəriku tələb kardən beynəlxalğə ğanononku bə kənoy və məmləkəton daxiliyə koonədə bə arə dəşeye ki muzakirə çəvon həxədə ğəbulbənin ni.
Ərəbıston İ bə ərəbon əmirəti Bəhreyn və Misr iyoni 5 nə rujiku terarizmiku ğətərı tərəfdarəti karde vavunədə de ım məmləkəti ıştə əlağəşon ğət kardə.
