İraği Ələnbar ostanədə İŞİD terroristiyə qrupi 94 nəfər bə həlokət rəsə.

İraği silahlinə ğıvvon həvoiyə hucomədə bə ım məmləkəti ğərb Ələnbar ostani Əlğaim məntəğə ki İŞİD terroristiyə qrupi uzvon cəm bə vırə bə 94 nəfər terrorist mincumlə çı qrupi sərkərdə Əbubəkr Əlbəğdadi qıləy nezə sərkərdəonku bə həlokət rəsə.

Bə İRNA xəbon əsosi iraği hərbiyə ğıvvon təyyarəon ım hucumədə İŞİD terroristiyə qrupi 6 qılə mərkəzi arəku bardən.

İŞİD terroristiyə qrup 2014 minnə sori Amerkə mali və hərbiyə koməkonədə iyən dıştə ğərbi və ərəbiyə şərikon mincumlə Ərəbıston və Turkiyə tərəfdarətion bə İrağ hucum bardeədə çı məmləkəti şimal və ğərbiyə məntəğə xəyli baxşon işğal iyən veyə cinayəton əncum dodən.

çə vaxnəku desbə ısət iraği silahlinə ğıvvon de ım məmləkəti bəsic ğıvvon həmkarəti iyən İron İslam Respublika məsləhətdoə koməkon xəyli çı məntəğonku İŞİD terroristiyə uzvon işğaliku ozod bə və əmələn iraği məmləkətdə terroristiyə qrupon ko bə oxo rəsə.