İrağədə 85 qılə terroristi həlokət.

Dəvardə 24 saatdə irağıjə ğıvvon bə İŞİD terroristiyə ğıvvon zid təşkil bə hucumonədə ki çı məmləkəti Neynəva ostani şimal və Ələnbar ostani ğərb hissədə təşkil bə 85 qılə terrorist bə həlokət rəsən.

Bə Forat xəbəriyə mərkəzi nəğli əsosi İRNA aqentəti elanış karde irağıjə ğıvvon Neynəva ostani Təlleəfər şəhri Ələyaziyə məntəğədə bə İŞİD terroristiyə qrupi hucumonədə 55 nəfər terroristonku mincumlə 26 nəfər terroristiyə əməliyat təşkil kardəkəsonku bə həlokət rəsedən.

iraği hərbiyə təyyarəon hucumonədə bə İŞİD terroristiyə qrupi karvanon ki Kərkokı ğərb Əlriyad məntəğədə təşkil bedə İŞİD terroristiyə qrupi sərkərdəonku qıleni de ım terroristiyə qrupi çanqılə uzv bə həlokət rəsedən.

Ələnbar ostanədə həm iraği hərbiyə təyyarəon Ğaem nomo bıə şəhrədə iyən Vəravəh məntəğədə İŞİD terroristiyə qrupi mərkəzon bombardımon kardən ki bə 30 nəfəri həlokət bois bedə.