Pars Today

İroni xarıci vəziri beynəl xalğ və huğuğiyə mıvzoon muavin dınyo ətomiyə silohon xıvand bıə kişvəronku tənğidış kardə və bo silohon məhv nıbey xoto iyən Amerkə tərəfiku bə tojə ətomiyə silohon soxte rəğabəton bino karde ğələtə ko işorəş kardə.

Bə İrib raporti əsos Seyyed Əbbas İrağçi çı İ bıə Milləton Təşkilati umumiyə icma aliyə iclosədə və dınyo ətomiyə silohon məhv karde beynəl xalğiyə ruji xoto təkidış karde: ım ki Amerkə jəqo ıştə ətomiyə bombaon zumand karde siyasətonro məğsədış heste yəni co kişvəron bə ətomiyə silohon çımiku vey inkişof doe dəvət bıbun.

İroni xarıci vəziri beynəl xalğ və huğuğiyə mıvzoon muavin təkidış kardə: İ bıə Milləton Təşkilatədə bo ətomiyə silahon ğədəğən kardero ğətnoməon təsdiğ karde nışo doydə ki dınyo kişvəron ım prosessi ğəbul nibəkay.

İrağçi bə ım ğətnoməku İroni himoyəon işorəş kardə və votışe: bəzi kişvəron əvəzi İron bovəşe ki ım mığovilə nı ınki bə NPT zərər və ziyonış ni bəlkəm çəy zumand karde bois bedə.

İrağçi çı NPT mığovilə muhimmə hədəfi dınyoədə ətomiyə silahon məhv karde hisobış karde və təsdiğış kardə ki siyonist rejim bəbe ıştə ətomiyə silahon xətəri məhv kardero ım mığovilədə uzv bıbu.

Bə rəsmi sənədon əsos dınyoədə Amerkə 7 həzo və siyonist rejim 300 qılə ətomiyə bombaon xıvandin ki bo dınyo xərobə kardero veste.