929-ə hissə-Casiyə surə -9-14 şərifə ayəon

929-ə hissə

وَإِذَا عَلِمَ مِنْ آیَاتِنَا شَیْئًا اتَّخَذَهَا هُزُوًا أُولَـئِکَ لَهُمْ عَذَابٌ مُّهِینٌ(9)

Və çun çəmə ayəonku qıləy çi bızıno,bəy məsxərə kardedən.əvonin ki,boəvon xarəkə əzob heste.

مِّن وَرَائِهِمْ جَهَنَّمُ وَلَا یُغْنِی عَنْهُم مَّا کَسَبُوا شَیْئًا وَلَا مَا اتَّخَذُوا مِن دُونِ اللَّـهِ أَوْلِیَاءَ وَلَهُمْ عَذَابٌ عَظِیمٌ(10)

cəhəndım çəvon navədəy iyən çəvon bədast vardə iyən oqətə çiyon və ğərəz Xıdo dust qətə çiyon bəçəvon dodi nibərəse və boəvon qıləy dıjdə əzob heste.

هَـذَا هُدًى  وَالَّذِینَ کَفَرُوا بِآیَاتِ رَبِّهِمْ لَهُمْ عَذَابٌ مِّن رِّجْزٍ أَلِیمٌ(11)

ım(Ğıron) bə hidoyəti boyis beydə və əkəson ki,bəştə pərvərdıqori  ayəon kofir beydən,boəvon saxt iyən dardnokə əzob heste.

Vəynə proqramədə çə kəsonku bəhs kardedəbe ki,İlahi ayəon məsəşone,çəyku aqahin,əmmo bəştə təkəbbır iyən inodkorəti xoto bo həxı ğəbul kardey hozzı nin və bəştə inkor iyən mıxolifəti isror kardedən.

In ayəon hamyedə:əvon nəyinki,İlahi ayəon məsəşone iyən dərəsəyn,bəlkəm bəvon məsxərə kardedən və peyğombəri(s) iyən muminon təhğır həm kardedən.Xıdovənd həm əvoni dınyo iyən axırətədə xar iyən zəlil bəkarde.

Ğıyoməti ruji çəvon hiç qıləy mol-əmvol iyən Xıdo əvəzi bə cokəson soyəx şıə kəson və bəvon peştıpur bıə kəson çəvon koon anqıli oj kardey əzınin.iyoe ki,əvon ıştə exrocəti iyən həğorəti dərk bəkardeyn və İlahi zəobi vədə ıştəni coyli iyən bepənoh bəvindeyn.

Ayəon dəvomədə hamyedə ki,ım Ğıron bə hidoyəti boyis beydə,həxı çı botıliku co kardedə,çı insoni jimoni səhnə ruşin kardedə və həxı royədə bıə kəson bə məğsədI rosneydə.əmmo bo bəştə pərvərdıqori ayəon kofir bıə kəson qıləy saxt iyən dardnokə əzob heste.çın ayəonku omutedəmon:

1-əzob iyən cəzo de bandəon qıno nevi mınosibe.bə həmonə dəlili xoto təməsxur iyən istehzo cəzo zıllət iyən xarətiye.

2-dınyoədə kofiron bəştə sərvət,ğudrət iyən duston təkyə kardedən,əmmo ğıyoməti ruji çəvon hiç qıləy foydəşon ni.

3-ikəs ki,İlahi hidoyəti  bə kəno bıno,bə qıləy mırdoləti dıço bəbe ki,ğıyomətədə bə zəcr iyən əzobi boyis bəbe.

اللَّـهُ الَّذِی سَخَّرَ لَکُمُ الْبَحْرَ لِتَجْرِیَ الْفُلْکُ فِیهِ بِأَمْرِهِ وَلِتَبْتَغُوا مِن فَضْلِهِ وَلَعَلَّکُمْ تَشْکُرُونَ(12)

Xıdoye ki,dıyoş boşımə ramış kardə ta kəştiyon deçəy fərmoni rəvon bıbon(hərəkətkon) və çəy fəzliku (ıştə ruzi)tələbkənən və ğasbu ki,şımə şukrkon.

وَسَخَّرَ لَکُم مَّا فِی السَّمَاوَاتِ وَمَا فِی الْأَرْضِ جَمِیعًا مِّنْهُ إِنَّ فِی ذَلِکَ لَآیَاتٍ لِّقَوْمٍ یَتَفَکَّرُونَ(13)

və osmonon iyən zəminədə bıə çiyon boşməş ram karde,həmmə(əvon)çəykuye.həyğətən,bın(koyədə) bo fik-fam (təfəkkur)kardə kəson qıləy nışonəon heste.

In ayəon bə hestemoni aləmədə bıə tohidi nışonəon işorə kardedə və hamyedə:şımə ticorət kardero bə kəştiyon suvar beydon və de dıyoon roy bə dınyo mıxtəlifə noxtəon səfə kardedon. qıləy holədə ki,boşımə çın koy zəminə hozzı kardə çi,bə Xıdovəndi çı ovi dılədə ğərol doə xısləti xotoye ta kəşti de qırd həmonə bo iyən mısofiron bə ovi ji nışo və de səlomətə formə bəştə məğsədi bırəso.

Kom kəsi ovış bo kəştiyon hərəkət kardero ğərolış doə ta çəy piyo de hostonə formə sınov booy və bın tərəf iyən bə tərəf bışo? Ya kom şəxs voon çı dıyoon iyən okeyanon səth və səviyyədə icodış kardə ta çı kali kəştiyon hərəkəti səbəbonış hozzı kardə?

Odəmi dığğəti cəlb kardə çi ıme ki,de bəşəri bənə avtomobil,ğatər iyən ıştənəpəri istehsol  kardə çandə nev nəğliyyat vositəonku iborət bıə de qırd inkişofon bə ico,dınyo məhsulon veyni vırəbəvırə kardey ijən de kəştiyon iyən de dıyo roon vositə bə əməl omeydə.ə məsir iyən roon ki,bo soxtey iyən oqətey qıləy ehtiyociş ni və hejo de hostonə formə çı insonon dastrəsədəy.

Nəyinki,dıyoon,bəlkəm osmonon iyən zəminədə bıə həmmə təbiiyi təzahuron yəni bənə həşi və ovşumi,vo iyən voşi,mə`dənon iyən zirzəmini mənbəon ,cənqəlon,səhroon iyən bandı-kuon və sayiron həmmə Xıdovəndi şımə iyən şımə mənfəəton xıdmətədə ğərolış doə.həmmə ın neməton Xıdovəndi tərəfikuye və boşımə bo çın çandə nemətonku bəhrə bardeyro zəminəş hozzı kardə.beşək,çı fik iyən əndişə əhli nəzdədə bo insoni çın hestemoni aləmi təsxir iyən ram kardey,İlahi ayəonku qıləy nımunəy.çın ayəonku omutedəmon:

1-Xıdovənd həmmə hestemonış bo insoni ramış kardə ta çəvonku boştə mənfəəton xoto bəhrə bıbo.əmmo bəşər hətto bo bə Xıdovəndi təşəkkur kardey həm hozzı ni.

2-ıştə məyişəti təmin kardey İslomə dini sıfarış kardə çiyonkuye və dınyəvi rifohon de dindorəti ziddiyyətış ni.

3-hestemoni mıxtəlifə təzahuronədə təfəkkur kardey,əməni bə Xıdo rosneydə və bəmədə bə mərıfət iyən aqahəti əsos qıləy imon icod kardedə.

قُل لِّلَّذِینَ آمَنُوا یَغْفِرُوا لِلَّذِینَ لَا یَرْجُونَ أَیَّامَ اللَّـهِ لِیَجْزِیَ قَوْمًا بِمَا کَانُوا یَکْسِبُونَ(14)

(Ha pəyğombər ha!) bə imon vardə kəson vuji:bə Əyyamullah(Xıdo rujon)umu nıbə kəson qızəştkon ta Xıdo har qıləy ğovmi bəçəvon mırtəkib bıə çi(xoto) bəvon cəzo bıdo.

Vəynə ayəonədə İlahi ayəon mığobilədə təkəbbırəti kardə və ıştə botıl və nodırıstə əğedədə isror kardə kofiron xısusədə be,ın ayə bə muminon xitobən hamyedə:de ğıyoməti ruji inkor kardə kəson bəhs və canqo-cidol məkənən və əvoni bə Xıdo ehdə vobıdənən ta Xıdovənd ıştən deəvon roftor bəkarde və bəvon cəzo bədoe.

Həlbəttə bəştə nodonəti iyən cəholti xoto bə şırk iyən kufri dıço bıə kəson barədə bəpe deəvon de buzurquvarəti iyən qızəşti rəftorkənən ta məbodə əvon çı həxıku bə diyəro bımandon. mumkine şımə qızəşt iyən çokə əxloğ bəçəvon çı ğəfləti haniku oğo bıey və oxoyədə həm bəçəvon bə həxə dini səmt meyli boyis bıbu.əmmo bəştə inodi xoto iyən zıne-zıne kofir bıə kəson ki,bo həxı ğəbul kardey hozzı nin,de əvon bəhs iyən mıbohisə tərk kardey,inev bəvon be etıno kardey iyən əvoni bəçəvon ıştən holi vodoy mənoədəy.çın ayəku omutedəmon:

1-de mıxolifon rəftori şivə,de bəçəvon şərayiti iyən muminon vəzyəti  dığğət kardə holədə tafutine.qahi zəmon çəvon mığobilədə bəpe mandey iyən mığovimət nışon doey bıbu və qahi vaxt həm bəpe əvoni bəçəvon ıştən holi vadoey və çəvon koon bə Xıədo ehdə noey bıbu.

2-İlahi əzob deçəmə əməlon mıtənosibe.ə əməlon ki,çəmə jimoni siyrə və metod bıə və həmişə çəy əncomədə isrorımon kardə.