Pəyğombər(s)-i de həzrəte Xədiceyi-Kubra(s) izdivaci ruj
Pəyğombər(s)-i de həzrəte Xədiceyi-Kubra(s) izdivaci ruj
Xədicəye-Kubra(s) çı Ğureyşi şərofətin iyən kubar ayləku bə dınyo ome.çəy xıyzon həmmə fəzilət, fədokorəti iyən Xıdo kə Kəbə himoyə kardə kəson bin.əv çı Xuvəylid bin Əsəd bin Əbdul-uzza kinə be. Xədicə(s) pı tərəfiku bıə cədd,Əsəd ıştə əsri məşhurə şəxsiyyətonku qıləyni be.Nəbiyyi-Xatəm(s)-I Be`səti vist sor bənav,Məkkə yolonku idastə mincumlə Əsəd bo Məkkə iyən çəy ətrofi əmniyyəti oqəteyro,qıləy məşvərəti iclosışon təşkil karde və bə iyande sıxan doşone ta bə məzlum iyən ehtiyocinə şəxson həxon bıərson iyən çı cəfokor və zılmkoron sıtəmon vəy bıqəton.çun çın əhd-peymoni muəssis iyən mərkəzi uzvonku se nəfər yəni Fəzl bin Fuzalə,Fəzl bin Vida`ə iyən Fəzl bin Haris nomışon hestebe,əve bə ın mığovilə “Həlful-Fuzul” yəni çı fəzlon mığovilə nomışon noe.Peyğombəre-Əkrəm(s) həm bə zəmonədə hələ ıştə jimoni vistminə sori bəhari dəvordıneydəbe, bə ın mərkəzi uzv be və bə ın təşkiloti umuj qıniye. peyğombər(s) bə ın əhd-pəymoni ziyodə ehtırom noydəbe və çı Besəti bəpeştə hamyeşone:”ehanə ısət həm məni bo həmonə mığovilədə uzv bıey də`vətkon,mı əy ğəbul bəkardem”.şər iyən deşmınə ğıvvon mığobilədə,bo məzlum iyən sıtəm vində kəson həxon mıdofiyə kardero,çı peyğombər(s)-i kəno Əsəd bin Əbduluzza həm bə ın təşkiloti uzv bıey,çımiku hikoyət kardedə ki,Əsəd bin Əbduluzza bo camiyə psixoloji oromətiro cəhd kardə qıləy ağılmand iyən xeyrxahə inson bıə.
Xədicəye-Kubra(s) ərəbi cəzirə və ləpəki həmməysə əsil iyən rəğ-rişəninə xıyzoniku be.əmmo,çəy şərofət sırfən bəçəy xıyzoni xulosə bedənıbe.bəlkəm,ə həzrət ıştən həm de çokə əxloğ iyən xısləton məşhur be.çı cokəson himoyə iyən koməkonku məhrum və noumu mandə kəson,bə həzrəte Xədicə(s) kəy tərəf hərəkət kardedəbin və bəçəy de səxovəti pur bıə xəzinə səmt pənoh bardedəbin və deçəy lutf iyən bərəkəti bəştə jimoni zəxm iyən yarəon mərhəm doydəbin.çə həzrəti kə de dıqlə nışonə və əloməti zıney bedəbe:qıləy çəy kə kumədə bıə qıləy ğubbəbe və coqləyni həm milləti bəçəy kə səmt bıə izdihom iyən məxloği qırdə bıə vırə be.
Xədicə(s) hejo dılış hestebe bə fuğəra iyən məzlumon koon bırəso,bəşəv-bəruj de qıləy məxsusə nəvazişi əvoni ğəbul kardedəbe və bəçəvon dardon qıləy dəvo kardedəbe.ə həzrət de həmonə sıtəm vində kəson de namə zıvoni qıp jeydəbe və bəçəvon işkilon quş doydəbe.əv,deştə mıborkə dasti çı yətimon iyən zılm vində inəon çəşi arsi təmizəkəy və bəştə xıdmətkoron işorə əkəy ta de puli pur bıə kisəon biyən ta həmonə ehtiyocinə şəxson miyono baxşokon.
Xədiceyi-Kubra(s) de qırd ın kəromət,iffət iyən şohrəti çı Məkkə həmməysə reçin və xosə banu və xanım həm bə hisob omeydəbe.İmom Həsən Muctəbo(ə) ki,çı Bəni-Haşımi miyono de zohiri reçinəti zərbul-məsəl be,bə həzrəte Xədicə(s) həmməysə vey şəbohətış hestebe.Ğureyşi çın əzəmətin iyən reçinə banu səxovəti sədo bə həmmə vırə rəsəbe və hətto zılməti dılədə ğərğ bıə ərəbi cohilə camiyə bəy çı “ərəbi mələykə” nomışon həm noəbe.əve ərəbi ğəbiləon yolon ,Ğureyşi delavəron iyən ,Bəni-Haşımi yolon, Yəməni şahon və Tayifi sərdoron həmmə əvışon piyedəbe və bo ıştə odəmon bəçəy məzhər vığandedəbin.əmmo,ə həzrət çəvon həmməy təklifonış ğəbul nıkarde və bəvon mənfiyə cəvobış doəbe.
Xədicə(s) bə həzrəte İberym(ə)-I ayin iyən dini tabe bıə kəsonku be.əv de dəvardə dinon kitobon vositə və de bənə Vərəğə bin Nofəli ağılmand və hikmətamizə məşvərəton vositə,çı oxonə-zəmoni pəyğombəriku(s) aqahəti iyən xəbəş kəsb kardəbe.
