Təkfiri cərəyanon

Təkfiri cərəyanon

Vəhhabiyyəti usul iyən prisnsiponku qıləyni ki,təkfiri cərəyonon əy bənə qıləy mənəvi pı zıneydən və çəy sape təkid kardedən,cihode.cihodi prinsip çı təkfiri təfəkkuri fundamental usuli muhimmə qıləyniye ki,de bəy etığod pəydu kardey,oşko ya punhon,de silohi ya ğeyri-silohi bə islomi hukuməti bərpo bıey və de kufri mıborizə kardey komək kardey bəzıne. Təkfiriyon nəzəku ihod,məxsusən Əlğaydə təşkiloti çı islomi dini sıftənə əhəmiyyətinə usul və prinsiponku bə hisob omeydə.təkfiriyon bın əğedə və bovədən ki, cihod,Xıdo deşmınon terror kardey  və deəvon canq kardey,qıləy zəruri yə koye və islomi hukuməti  təşkiləkə sulhamizə dəvətəkə təlmiləkəy..əvon bə ifrati və vəhhabi sələfiyon fəğihon rayon və bə ilahi ayəon məxsusə təfsiron əsos,bə ibtidoyi cihodi əsos təkid kardedə.bəçımi əsos islom bəsə alimonsə bə mucohidi ehtiyociş heste.beşəkk, Seyd Ğutb  çə muhimmə kəsonku be ki,cihodi məfhumi ideloqiyə soxteyədə və ”islomi camiyə və”cohili camiyə” plani de”darul-islomi” və  “darul-hərbi” kanə məfhumi mıtobiğədə,qıləy əsosə rolış ifo kardə.jıləvoni cihod çı dini furuui məbhəsonku qıləyni,bə təkfiri cərəyonon nəzdədə vey muhimmə prinsiponku qıləyni təbdil bıə.çoko ki,Əbdullah İzam təkfiri cərəyonon ideoloji rəhbəronku qıləyni votedə:”fəğət cihod iyən tufənq,nəyin ki,mızokirə,nə konfrans və nə votemon və diyaloq”. Bə DAİŞ terroristə qrupi əğedə əsos,qırd islomi devləton və kəson ki,əvon təsdığ kardedən,kofir bə hisob omeydə və muminon əkəsonin ki,bo kofirə devləton əvəz və məhf kardeyro iyən islomi hukuməti icod kardeyro punhon iyən oşkoə fəoliyyəton kardedən.bəçəy xoto cihod bo hukuməton əvəz kardero və islomi devləti bərpo kardero.bo har qıləy merd və jeni “vocibe eyni” bə hisob omeydə. bə təkfiri dastəon rəhbəronku qıləyni bıə Əbdus-Səlom Fərəci nəzəriyyəon əsos,çun ilahi hukmon icro kardey,bə mısılmınon vocibe.islomi devləti bərpo kardey həm,qıləy vocibə ko bəbe.çən,islomi devləti bərpo kardey ğərəz ğital və canq kardey co ro nıbu,bə msıılmınon canq və cihod kardey vocibe.

Bənə Əlğaydə və DAİŞ əkfiri cərəyonon həm bə fiki iyən ideoloji əsos və de cihodi prinsipon əsos zıney və de hoziyəti və sırfən de ğital və cihodi,boştə kardə rəftoron qıləy məşruiyyət və leqiməti baxş kardedə. Əbu Bəkr Bəğdadi çı cihodi əhəmiyyəti həxədə jıqo votedə:”Xıdo royədə cihod çı Əndəlusi suğuti zəmoniku bo mısılmon ənıştə mısılmonə şəhron ozodətiro,bo qırd fərdon vocibe eyniye və bə Xıdo kufr və Xıdo royədə cihodku nəhy kardey bəpeştə,həmməysə dıjdə qınoye.Kol Bonzel təkfiri cərəyonon muhəğğiğonku qıləyni DAİŞ-i cihodi nəzəriyyəş vəhhabi təlimonku nışonış qətə və votedə:”islomi devlət bə hucuməkə cihodi təkid kardedə ki, bə vəhhabi təlimon mıtobiğ,bəpe bo şırki iyən bıtpərəstəti rəğ-rişə bırniyero əncom bıdo”.DAİŞ –i cərəyon de bə Muhəmmədi mıborəkə surə 4-ə şərifə ayə istinodən ki, hamyedə:”fəiza.....çən,çun de kofir bıə kəson dimbədim omiyon,çəvon gərdənon bıjənən ta çun əvonon hırd karde,çəvon dast-lınqon mehkəm dəvastənən”.bo canq iyən şiəyon və ğeyri-vəhhabi əhlı-sınnəti  və ıştə mıxolifon kıştey,qıləy bəhonə vırə noydən.çı təkfiri dastəon məxsusən DAİŞ terroristə dastə cihodi nəzəriyyə mışohidə bedə ki,bə de islomi dınyo deşmınon yəni de seonist rejim və ğərbi canq kardey əvəzi de mısılmınon mıhoribə kardeydən.çoko ki,Əbdussəlom Fərəc bə ibn teymiyyə cihodi barədə bıə nəzəriyyə dığğət kardə holədə,de  nezə deşmınon canq kardey bəsə diyəroə deşımınonsə bənave.bo jıqo nəzəriyyə bəhonə vardey və çı seonist rejimi mığobilədə qıləy mevğıyyət nıqəteyro,əvon bə Tobə mıborəkə surə 123-ə şərifə ayə istinod kardedən.joqo ki,hamyedə:”Ya əyyuhəlləzinə....Ha imon vardə kəson ha!deşmə nez bıə kofiron canqkənən(və diyəroə deşmınon şıməni nezə eeşmınonku ğafil nıkon)”.təkfiriyon nəzəku mısılmonə murtəd və mınofiğ(çəvon nəzəku şiəyon) nezə deşmon hisob kardeən və deəvon mıhoribə kardey iminə dərəcədəy.təkfiri əndişə və təfəkkurədə cihodi məfhum, məxsusən  DAİŞ terroristə dastə İrağ və Suriyədə çəyku bəhrə bardedən,əsosən de əhlı-sınnət və şiyə dini fiğhi əndişə əsoson farğ kardedə.....