Mərkəzi Asiyə və Ğafğaz

Mərkəzi Asiyə və Ğafğaz

Az.R-ədə şəhron şurə ya bumiyə bələdiyyə vıjnemonədə iştirokəkəyon mığdor sa fayiziku 33 faysiz bəkam bıə.bə Az.R. mərkəzi vıjnemoni komissiyə hisoboti əsos,dekabrə manqi bələdiyyə vıjnemondə 72/32 fayzi işitirokəkə mevcud bıə.

Çımi bənav həm  regioni çandə qılə siyosi arenaonədə Az.Res-ədə dekabri 23-ə ruji bələdiyyə vıjnemonədə milləti kam iştirok kardeyku xəbəşon doəbe.çın dəğiğə proznozi dəlili  bəpe,çın mısılmonə kişvəri nomınosibə ixtisodi və məyişəti vəzyətədə bınəvəmon.eyni holədə ərəsi şimolədə bıə milləti nəzəku, şəhrdoro və bələdiyyəon jəqo həm qıləy ğanuni ixtiyaonışon ni və əsosən ın şuraon çı şəhrdor iyən icra hakimon vıjnemonədə hiç qıləy təsirış ni.

Az.R  2000-ə milodi sori yanvarə manqiku bə Avropə Şurə uzv bıə. Demiyən şəhrdoroti iyən icra hakimon bələdiyyə Avropə Şurə iyən Az.R-ədə qıləy tafutinə rolış heste.deməkə ki, Avropə kişvəronədə  şəhri şurə və bələdiyyəon qıləy siyosiyə post və vəzifə hisob beydə və çın kişvəri ziyodə daxili məsələon de mıxtəlifə formə iştirok kardedəbin. Az.Res-ədə  şəhri şurə və bələdiyyəon  bə ovdonəti,ekoloqiyə və co sektoron plani icroyədə bıə koon ayid məsləonədə de icraiyyə aparaton həmkorəti kardedən,əmmo çın şuraon jəqo həm qıləy məsuliyətışon bə ehdə ni……

Az.R. ,Qırcıston iyən Tırkiyə xarici koon vəziron se tərəfinə həştminə iclos Tiflisədə dəvordıney be.bın sammitədə ki,Az.R xarici koon vəzir Elmar Məmmədyarov,Tırkiyə xarici koon vəzir Mevlud Çavuşoğlu və Qırcıstoni xarici koon David Zalkalyani  iştirokışon kardə,tərəfon çı  se tərəfinə həmkorəti iyən reqional və beynəlxalğ məsələon həxədə mızokirəşon dəvordınə.

Se tərəfinə icloson dəvordıney bo bın sammitədə iştirok kardə məmləkəton qıləy yolə əhəmiyyət kəsb kardedən.sıftə ıme ki,bın sammiti uzv bıə kişvəron ıştə miyono bıə ixtilofon bə kəno noydən və de iyande həmkorəti kardey meylışon beydə.dıminə əhəmiyyət ıme ki,se tərəfinə həmkorəti proiritet şərh və icro beydə.təbiiye ki,se tərəfinə iclosədə uzv bıə kişvəronədə iştirok kardey,bə həmonə dəlilon xoto ziyodə əhəmiyyətış heste.

Se tərəfinə icloson əsosən  devrə formədəy və ha kərə bın sammitədə uzv bıə kişvəronədə dəvordıney beydə.Az.R. ,Qırcıston iyən Tırkiyə xarici koon vəziron se tərəfinə iclosi navnə vindemon cari milodi sori oktyabrə manqi İstanbulədə dəvordıney be……