Marsh i dyshimtë i sionistëve në Kods dhe gatishmëria e plotë e të rinjve palestinezë
Të Mërkurën në mbrëmje, një numër i kolonëve sionistë nën kujdesin e forcave izraelite të sigurisë marshuan në mënyrë provokuese në Kodsin e okupuar.
Sipas rrjetit televiziv Al-Mayadin, të rinjtë palestinezë që jetojnë në Kodsin e okupuar u drejtuan për në xhaminë Al-Aksa dhe pjesën e vjetër të Kodsit të pushtuar për t'u përballur me marshimin e dyshimtë të kolonëve sionistë. Ndërkohë, policia e regjimit sionist lëshoi një urdhër që ndalon anëtarët e krahut të djathtë të parlamentit sionist Knesset, Itmar bin Ghafir, që të mbajnë një marshim të quajtur "Marshi i Flamurit" dhe që ata të hyjnë në xhaminë al-Aksa. Ministri izraelit i Luftës Benny Gantz, këtë javë pas një takimi me zyrtarë të lartë ushtarakë dhe zyrtarë të tjerë të sigurisë gjithashtu paralajmëroi kundër mbajtjes së marshimit të flamurit. "Marshi i flamurit", i planifikuar nga organizatat raciste sioniste dhe kolonët ekstremistë, ishte planifikuar të mbahej të enjten në rrugët e Kodsit të okupuar, për të valëvitur flamurin e regjimit të rremë izraelit dhe për të theksuar nevojën e spastrimit etnik kundër palestinezëve. Lëvizja Palestineze e Rezistencës Islamike (Hamas), ndërsa paralajmëroi regjimin sionist për pasojat e mbajtjes së marshimit të flamurit në pjesën e vjetër të Kodsit, u bëri thirrje bashkatdhetarëve të vet palestinezë që të intensifikojnë qëndresën e tyre me pushtuesit në Bregun Perëndimor dhe në Xhamia Al-Aksa.
