Turkiyya : Harin Kunar Bakin Wake Ya Kashe Mutane 2 A Santambul

Rahotanni daga Turkiya na cewa mutane biyu ne suka rasa rayukan su kana wasu bakwai suka raunana a wani harin kunar bakin wake a wata cibiyar kasuwanci dake tsakiyar birnin Satambul.

Harin na wannan safiyar ya faru ne a gafen wata hanya dake kaiwa zuwa cibiyar kasuwanci ta Istiklal a wuraren turawa dake birnin kamar yadda kafofin yadda labarai da dama na Turkiyya suka rawaito.

wannan dai zuwa kwanaki kadan bayan harin bam din da yayi sanadin mutuwar mutane 103 a harabar wata tashar motoci dake Ankara, wanda wata kungiyar Kurdawa ta dauki alhakin kaiwa.