Wani Sojan Isra'ila Guda Ya Halaka A Yankin Majdal Shams

Wani sojan haramtacciyar kasar Isra'ila guda ya halaka a yau a yankin majdal Shams da ke cikin tuddan Golan na Syria da yahudawa suka mamaye.

Shafin yada labarai na yanar gizo na Al'ahad ya bayar da rahoton cewa, tun a jiya ne kafofin yada labaran haramtacciyar kasar Isra'ila suka bayar da rahotannin cewa, a yau, Lahadi sojojin yahudawan sahyuniya za su gudanar da wani gagarumin atisayi a cikin yankin Tuddan Golan, wada zai ci gaba har zuwa ranar Talata mai zuwa.

Rahoton ya ce babu wani karin haske dangane da yadda wannan sojan Isra'ila ya rasa ransa a wurin tare da jikkatr wasu guda 3 na daban.

Yankin dai na daga cikin yankunan da 'yan ta'addan takriyyah wahabiyya suke samun dauki daga Isra'ila, inda take yi musu magani idan sun samu raunuka a fadan da suke da sojojin Syria, har takan dauke su ta kai manyan asibitoci da ke Tel Aviv da wasu birane domin yi musu magani.